مسلم لیگ ن کے کارکنوں کی قربانیاں کسی سے ڈھکی چھپی نہیں۔اشفاق عباسی جیسے نظریاتی، مخلص اور وفادار کارکن مسلم لیگ ن کا سرمایہ ہیں ان جیسے تعلیم یافتہ کارکنوں کی قابلیت اور صلاحیت سے پارٹی کو استعفادہ حاصل کرنا چاہیے ۔مسلم لیگ ن کی حکومت وزیر اعظم محمد نواز شریف کی قیادت میں بغیر کسی دباؤ کے عوام کی فلاح وبہود کے منصوبوں پر تیزی سے عمل پیرا ہے۔پنجاب حکومت نے ایجوکیشن و ہیلتھ سیکٹر پر خصوصی توجہ دے رہی ہے۔ان خیالات کا اظہار گورنر پنجاب چوہدری سرور نے راولپنڈی سے آنے والے مسلم لیگ ن کے رہنما، سابق آزاد اُمیدوار حلقہ NA56 اور ممبر ضلعی امن کمیٹی راولپنڈی اشفا ق عباسی سے گورنر ہاؤس لاہور میں ملاقات کے دوران ’’نواز شریف کی سوچ ، شہباز شریف‘‘ کی اپروچ کے عنوان سے اپنے ہاتھ سے لکھی ہوئی نظم ’’ہم سب کا پیارا پاکستان‘ ‘ پیش کی ۔اشفاق عباسی نے مسلم لیگ ن کے نوجوان معذور کارکن عقیل احمد کے بیرون ملک علاج کے سلسلے میں چوہدری سرور کواپنا کردار ادا کرنے کی استدعا کی جس پر چوہدری سرور نے عقیل احمد کے بیرون ملک علاج کے سلسلے میں ہر طرح کی مدد اور مکمل سپورٹ کرنے کی یقین دہانی کرائی ۔اشفاق عباسی نے گورنر پنجاب سے NA56کے مسائل کے حوالے سے بھی تبادلہ خیال کیا۔
