فاضل دیوبند شیخ الحدیث حضرت مولانا مطلع الانوار صاحب نے مہمان خصوصی کے طور پر ایمان افروز خطاب کیا
پشاور(ایف یو نیوز)جامعہ علوم القرآن حیات آباد پشاور میں تقسیم انعامات کی تقریب منعقد ہوئی ،جس میں خصوصی طور پر وفاق المدارس کے تحت پوزیشن حاصل کرنے والے طالب علم خادم حسین ولد اقبال شاہ کو انعامی شیلڈ اور نقد انعام سے نوازا گیا۔علاوہ ازیں امن اور سیرت کے موضوع پر مدرسہ کے طلباء کے مابین تقریری اور تحریری مقابلہ بھی ہوا،جس میں نمایاں پوزیشن حاصل کرنے والے طلبہ کے درمیان بھی انعامات تقسیم کیے گئے اور سال بھر کے امتحانات میں پورے مدرسہ میں اول،دوم اور سوم آنے والے طلبہ کو انعامی شیلڈز بھی دئے گئے۔آخر میں جامعہ علوم القرآن کے مہتمم وبانی حضرت مولانا محمد شعیب صاحب حفظہ اللہ نے طلبہ کرام کے سرپرستان کو مدرسہ کے اہم امور اور ضروری قواعد وضوابط سے آگاہ کیا،اور مملکت خداداد پاکستان کے امن وآشتی کے لیے دعائیں کئے ۔
