پشاور (سٹی رپورٹر) پشاور شہر کا پوش علاقہ گلبرگ ، جہاں کی شہریوں کی زندگی سڑک کنارے پڑے ریت اور تعمیراتی ملبے نے اجیرن کردی ہیں- تین ماہ قبل علاقے کی مین نکاسی آب کے نالے کو ٹھیک کرنے کیلئے کام شروع کیا گیا لیکن کام کی رفتار بھی سست ہے جبکہ تعمیراتی ملبے کی وجہ سے نہ صرف ٹریفک روانی میں بھی مشکلات کا سامنا کرنا پڑ رہا ہے بلکہ گندا پانی نالی ٹوٹنے کے باعث ریلوے ٹریک اور گلیوں میں آرہا ہے – خیبرپختونخوا اسمبلی کے حلقہ چار میں واقع اس علاقے کی تعمیراتی کام کی نگرانی سی اینڈ ڈبلیو خود کررہا ہے تاہم افتتاح کے وقت لگائے گئے بورڈ پر نہ تو تخمینہ لاگت لکھا گیا ہے اور نہ ہی اس کی مکمل کرنے کی تاریخ لکھی گئی ہیں-اس علاقے سے منتخب ہونیوالے ممبر صوبائی اسمبلی وزیراعلی کے مشیر بھی ہیں-جو خود بھی سول اینڈ ورکس ڈیپارٹمنٹ کی کارکردگی سے نالاں ہیں- کینٹ میں واقع ہونے کے باوجود اس علاقے کی صورتحال شہر کے دوسرے علاقوں کی طرح ہیں اور انکے علاقے میں کوئی تبدیلی دیکھنے کو نہیں ملی۔
