تخصص فی علوم الحدیث ،درس نظامی،اور شعبہ حفظ کے ساتھ ساتھ انگلش اور عربی لینگویج بھی آج کی اہم ضرورت ہے۔مقررین
پشاور(ایف یو نیوز)جامعہ علوم القرآن حیات آباد پشاور کے اکیڈمک بورڈ کے ایک اہم اجلاس میں جامعہ کے بانی ومہتمم مولانا محمدشعیب حفظہ اللہ نے نئے تعلیمی سال کے لیے عربی لینگویج کے باقاعدہ آغاز کا فیصلہ کردیا۔تفصیلات کے مطابق جامعہ علوم القرآن حیات آباد پشاور میں اکیڈمک بورڈ کاایک اہم اجلاس ہوا،جس میں جامعہ کے مہتمم حضرت مولانا محمد شعیب حفظہ اللہ ،رئیس دارالافتاء مفتی ذاکرحسن نعمانی،تخصص فی علوم الحدیث کے نگران مولانا حسین احمد،تخصص فی اللغۃ العربیہ کے نگران مولانا سیدعالم اور جامعہ کے ناظم تعلیمات مفتی محمد طیب کے علاوہ دیگر ماہرین فن نے بھی شرکت کی اور اہم تعلیمی وتنظیمی امور پر تبادلہ خیال کیا۔وقت کی اہم ترین ضرورت کے پیش نظر عربی لینگویج (تخصص فی اللغۃ العربیہ)کے باقاعدہ آغاز کا فیصلہ کرتے ہوئے ایک مستحسن قدم اٹھایا گیا،واضح رہے کہ اس تخصص کے لیے جامعہ ابن عباس کراچی کے آزمودہ نصاب اور سابق مدرسین ومتخصصین کی تدریسی خدمات حاصل کرنے کا فیصلہ کیا گیا،ساتھ ساتھ داخلہ شیڈول اور انٹری ٹیسٹ کا بھی اعلان کر دیا گیا،انٹری ٹیسٹ20جولائی بدھ کو ہوگا۔
