شیخوپورہ: ڈاکوؤں نے مزاہمت پر مل کا چوکیدار قتل کر دیا
شیخوپورہ: فیصل آباد روڈ پر علی الصبح قصبہ بھکھی کے قریب تین ڈاکوؤں نے مزاہمت کرنے پر ٹیکسٹائل مل کے چوکیدار سید نواب کو تشدد کر کے ہلاک کر دیا اور فرار ہو گئے۔ بھکھی پولیس نے مل کے ایڈمن مینجر عبدالرؤف کی رپورٹ پر کاروائی کرتے ہوئے مقدمہ درج کر لیا۔مقتول چوکیدار جس کی عمر تقریباً50سال بتائی گئی ہے، کی لاش اپنی تحویل میں لے کر پولیس نے ڈی ایچ کیو ہسپتال پہنچا دی ہے۔ بتایا گیا ہے کہ شدید دھند میں تاریکی کے دوران عقبی دیوار پھلانگ کر تین ڈاکو مل میں داخل ہو گئے۔ جن کو دیکھ کر چوکیدار نے للکارا تو ڈاکوؤں نے بندوق کا بٹ اس کے سر پر مار کر اسے شدید زخمی کر دیا جو تڑپنے کے بعد دم توڑ گیا۔
Short URL: http://tinyurl.com/zzk8s4l
QR Code: 
Leave a Reply