شیخوپورہ(سٹاف رپورٹر) میڈیا سے گفتگو کرتے ہوئے گورنر گلگت بلتستان چوہدری برجیس طاہر نے کہا ہے کہ مری میں طالبان اور افغانستان کے مابین امن مذاکرات کی میزبانی عالمی سطح پر پاکستان کی ایک بڑی کامیابی ہے،اگر طالبان نمائندوں اور افغانستان کے مابین مذاکرات کامیاب ہو گئے تو اس سے نہ صرف خطے میں امن کے قیام میں مدد ملے گی بلکہ عالمی سطح پر بھی یہ پاکستان کی ایک بڑی سفارتی کامیابی ہو گی،ان کا کہنا تھا کہ روس میں بھارتی وزیر اعظم نریندر مودی کا پاکستان کے وزیر اعظم سے خود ملاقات کی خواہش ظاہر کرنے سے بھارت کو بھی معلوم ہو گیا ہے کہ دونوں ممالک کے عوام کی بہتری اور فلاح و بہبود کے لیے خطے میں امن کا قیام ناگزیر ہے ،چوہدری برجیس طاہرکا کہنا تھا کہ بھارت کو معلوم ہونا چاہیے کہ دونوں ممالک کے مابین امن کی بحالی کے لیے مسلہ کشمیر کا حل سب سے ضروری ہے اور پاکستان چاہتا ہے کہ بھارت اقوام متحدہ کی قراد دادوں کے مطابق کشمیری عوام کو ان کا حق خودارادیت دے،
