شیخوپورہ: حقیقی دینی مدارس امن و آتشی کی آماجگاہ ہیں، امن و امان کی تعلیم دیتے ہیں: غلام مرتضیٰ ہزاروی
فاروق آباد:جامعہ نظامیہ رضویہ شیخوپورہ میں مجلس علماء نظامیہ پاکستان کا اہم اجلاس منعقد ہوا جس کی صدارت علامہ مولانا صاحبزادہ غلام مرتضیٰ ہزاروی نے اجلاس میں غلام مصطفی ریاض بخاری، عباس علی انجم ، شفاقت علی قادری سید تصدق حسین گیلانی ، فیض الرسول عباس کریمی عبدالرؤف ریحان ، علی ذوالقرنین،عمران رفیق ڈار ، احسان رضا ، محمد عمران رانا اور دیگر اراکین مجلس نے شرکت کی ۔اجلاس سے خطاب کرتے ہوئے صاحبزادہ غلام مرتضیٰ ہزاروی نے کہاکہ دینی مدارس امن وآتشی کی آماجگا ہ ہیں۔ حقیقی دینی مدارس سے ہمیشہ امت مسلمہ کو امن وامان کی تعلیمات دی گئی ہیں۔ اس موقع پر خطاب کرتے ہوئے سید غلام مصطفی ریاض بخاری نے کہاکہ قیام امن کیلئے ضروری ہے کہ دینی مدارس ،دہشت گردی اور انتہا پسندی کیخلاف آواز بلند کریں اور امن وسلامتی کے پیغام کو عام کریں دہشت گردی اور تشدد پسندی کا دینی تعلیمات سے کوئی تعلق نہ ہے۔ ہم پاک فوج آپریشن ضرب عضب کی بھرپور حمایت کرتے ہیں۔
Leave a Reply