راولپنڈی: ممتاز روحانی پیشوا اور لبیک ویلفیئر سوسائٹی راولپنڈی کے صدر پیر سید ساجد حسین بخاری نے کہا ہے کہ موجودہ حکومت عوام مسائل حال کرنے میں سنجید ہ نہیں ہے لیکن بیوروکریسی اسکے راستے میں بڑی مشکلات پیدا کر رہی ہے۔ جسکی وجہ سے عوام کو ریلیف نہیں مل رہا اور وہ پریشان حال بھٹک رہے ہیں کیونکہ بیوروکریسی ان مسائل کے حل کے بجائے انکے راستے میں روڑے اٹکا رہی ہے۔ ایک بیان میں پیر ساجد بخاری نے کہا ہے کہ وزیر اعلی پنجاب میاں شہباز شریف کے واضح احکام کے باوجود تاحل رتہ امرال کا نام تبدیل کرکے میلاد نگر نہیں رکھا گیا اور اس کی فائل کمشنر راولپنڈی کے آفس میں ڈی سی او کے دفتر کے چکر کاٹ رہی ہے اور طویل عرصہ سے ایسے ہی ہو رہا ہے۔ ضلعی انتظامیہ کے عدم تعاون پر افسوس ہوتا ہے جو سکی کا جائز کام کرنے کو بھی تیار نہیں ہے اور ہم ان کے دفاتر کے چکر کاٹ کاٹ کر تنگ آچکے ہیں۔ انہوں نے کہا ہے کہ وزیر اعلی پنجاب کے حکم اور ڈائریکٹر شکایات سیل کے واضح اور دو ٹوک احکام کی بھی پرواہ نہیں کی جا رہی اور سائل پریشان حال پھر رہے ہیں۔ جبکہ ضلعی انتظامیہ کبھی ایک اور کبھی دوسرے دفتر بھیج دیتی ہے۔ جبکہ تمام قانونی تقاضے پورے کر دیئے گئے ہیں ۔ پیر ساجد بخاری نے کہا ہے ک ہ ڈیڑھ سال سے ہمیں گیند بنا دیا گیا ہے اور عوام علاقہ کا جائز مطالبہ پورا نہیں کیا جا رہا ۔ انہوں نے وزیر اعلی پنجاب سے پرزور مطالبہ کیا ہے کہ وہ ذاتی دلچسپی لیکر عوام علاقہ رتہ کا یہ دیرینہ مطالبہ پورا کریں اور کمشنر و ڈی سی او کو سختی سے ہدایت کریں کہ وہ جلد رتہ امرال کا نام تبدیل کر کے میلاد نگر کا سرکاری نوٹیفکیشن جاری کریں۔