پائی خیل(نامہ نگار)پائی خیل میں کسان کی گائے نے تین بچھڑوں کوجنم دیا۔تفصیلات کے مطابق پائی خیل محلہ کبی خیل کے رہائشی محمداکبرخان مندی کی گائے نے یکے بعددیگرے تین بچھڑوں کوجنم دیا۔اورتینوں صحیح سلامت ہیں انہوں نے میڈیاسے گفتگوکرتے ہوئے بتایاکہ گزشتہ صبح ہم نے ڈاکٹرکوگھربلوایاجس نے ہاتھ کی مددسے ایک بچھڑانکالاجب وہ چلاگیاتوگائے نے یکے بعددیگرے دواوربچھڑوں کوجنم دیا۔جوتینوں نر(بچھڑے)ہیں ۔انہوں نے کہاکہ گائے کے تین بچھڑوں کوجنم دینے سے ہماری بھی خوشی کی انتہانہ رہی اورقدرت کایہ کرشمہ دیکھنے کے لئے ہمارے گھرلوگ جوق درجوق آکرنظارہ کررہے ہیں۔
