پائی خیل (نامہ نگار)پائی خیل نرسری کلاس کی طالبہ آمنہ بی بی کے گلے میں پانچ روپے کاسکہ پھنس گیاریسکیو1122کی امدادی ٹیم نے بروقت ہسپتال پہنچاکربچی کی جان بچالی۔تفصیلات کے مطابق گورنمنٹ گرلزپرائمری سکول چنن خیل پائی خیل میں نرسری جماعت کی طالبہ آمنہ بی بی دختردوست محمد قوم علماء کے گلے میں پانچ روپے کاسکہ پھنس گیاریسکیو1122کی امدادی ٹیم بروقت پہنچ گئی۔امدادی کاروائی کے بعدمعصوم بچی کوڈی ایچ کیوہسپتال میانوالی لے جایاگیا۔جہاں پرڈاکٹروں نے انتھک کاوشوں کے بعدسکہ بچی کے گلے سے نکال لیا۔آمنہ کی والدہ نے معصوم بچی کی صحت یابی پرسکول کے طلباء وطالبات میں مٹھائی تقسیم کی۔
