پرائم منسٹر یوتھ پروگرام کے سلسلے میں مہران یونیورسٹی جامشورو میں منعقدہ ٹرائلز میں 100 سے زائد بوائز و گرلز کی شرکت۔
پروفیسر خان محمد بروہی نے کیا۔پی وی ایف کے شاہد مسعود، ڈائریکٹر اسپورٹس فرخندہ فصیح،عبدالغفار چانڈیو و دیگر سیلیکٹرز و آفیشلز موجود تھے
جامشورو (پرویز احمد شیخ) پرائم منسٹر یوتھ پروگرام پاکستان کے سلسلے میں ملک بھر میں جاری ٹیلینٹ ہنٹ یوتھ اسپورٹس لیگ کے حیدرآباد ڈویژن سینٹر کے والی بال ٹرائلز کا مہران یونیورسٹی آف انجینیئرنگ اینڈ ٹیکنالوجی جامشورو میں آغاز ہوگیا۔ این ای ڈی یونیورسٹی کراچی کے زیر اہتمام منعقدہ مذکورہ ٹرائلز کا افتتاح مہران یونیورسٹی کے وائس چانسلر پروفیسر طحہ حسین علی کی جانب سے ڈین فیکلٹی آف آرکیٹیکچر اینڈ سول انجینیئرنگ پروفیسر خان محمد بروہی نے کیا۔انہیں آرگنائزنگ سیکریٹری فرخندہ فصیح، پروگرام کووآرڈینیٹر جوائنٹ سیکریٹری پاکستان والی بال فیڈریشن شاہد مسعود اور ڈائریکٹر اسپورٹس عبدالغفار چانڈیو نے انہیں اجرک، سندھی ٹوپی اور اعزازی شیلڈ پیش کیں۔اس موقع پر خطاب میں انہوں نے پرائم منسٹر پاکستان شہباز شریف کا اس مفید پروگرام کی سرپرستی کرنے پر خراج تحسین پیش کیا۔انہوں نے اسپیشل اسسٹنٹ یوتھ افیئرز ٹو پی ایم شیزہ فاطمہ خواجہ ہائیر ایجوکیشن کمیشن کے انجینیئر جاوید علی میمن، این ای ڈی یونیورسٹی، سندھ والی بال و مقامی ڈویژنل والی بال ایسوسی ایشن حیدرآباد کا مہران یونیورسٹی کو میزبانی دینے پر شکریہ ادا کیا۔اس موقع پر ڈائریکٹر اسپورٹس سندھ یونیورسٹی اجوید بھٹی، سیکریٹری حیدرآباد ڈویژن پرویز احمد شیخ اور دیگر کمیٹی ممبران و سیلیکشن کمیٹی و ٹیکنیکل آفیشلز کو اجرک و سوینیئر پیش کیئے گئے۔قبل ازیں مارننگ سیشن میں گرلز کے ٹرائلز لیئے گئے۔اس موقع پر مہران یونیورسٹی ڈائریکٹر اسپورٹس عبدالغفار چانڈیو مہمان خصوصی تھے جنہیں پروگرام کووآرڈینیٹر شاہد مسعود نے اجرک پیش کی۔بعد ازاں سیلیکشن کمیٹی میں شامل پاکستان کی نائب کپتان راشدہ شکیل، نعمان الدین، مظہرالدین میمن، پرویز احمد شیخ، لبنی ناز نے موجود 41 گرلز اور 70 بوائز کھلاڑیوں کے ٹرائلز لیئے جبکہ عائشہ ارم، رمیزراجہ نے ٹیکنیکل آفیشلز کے فرائض انجام دیئے۔اس موقع پر زینب ارباب، عبدالفتح کندھر،نیاز احمد، ذوالفقار سہتو، اشفاق سیال، محمد شفیق، ظہیرالدین، ذوالفقار احمد, عادل زمان اور دیگر کوچز کو اعزازی سوینیئر دیئے گئے۔
