لاہور(ایف یو نیوز)قائد اعظم لائبریری میں پنجاب آرکائیوز لاہور، نظریہ پاکستان ٹرسٹ اور تحریک پاکستان ورکرز کے اشتراک سے یوم پاکستان کے حوالے سے جاری 7روزہ نمائش اختتام پذیر ہو گئی۔ جس میں تحریک پاکستان کی نادر و تاریخی کتب و دستاویزات کو نمائش کے لئے پیش کیا گیا۔ افتتاحی تقریب 19مارچ کوقائداعظم لائبریری کے اقبال ہال میں منعقد ہوئی جو 25مارچ کو اختتام پذید ہو گئی۔ تقریب کا افتتاح مہمان خصوصی سابق صدراسلامی جمہوریہ پاکستان اور چئیرمین نظریہ پاکستان ٹرسٹ محمد رفیق تارڑ نے کیا۔سیکرٹری نظریہ پاکستان ٹرسٹ شاہد رشید سمیت دیگر شرکاء میں ڈائریکٹر جنرل پبلک لائبریریز پنجاب ڈاکٹر ظہیر احمد بابر، ڈائریکٹر پنجاب آرکائیوز محمد عباس چغتائی، رانا اختر چیف لائبریرین قائد اعظم لائبریری،حافظ محمد توفیق ڈائریکٹر پنجاب پبلک لائبریریز،عابد علی گل ممبر بورڈ آف گورنر ،پنجاب پبلک لائبریریزلاہور، سینئیر لائبریرین پنجاب پبلک لائبریری عبدالغفور شامل تھے اور بڑی تعداد میں مختلف شبہ ہائے زندگی کے لوگوں نے بھی شرکت کی۔اس موقع پر سیکرٹری نظریہ پاکستان ٹرسٹ شاہد رشید نے نظریہ پاکستان ٹرسٹ نے ایوان قائد اعظم میں بھی شعبہ آرکائیو بنانے کا فیصلہ کیا ہے۔گاہے بگاہے مختلف یونیورسٹیز کے وائس چانسلرز اور پروفیسرز ،سٹوڈنٹس اور غیر ملکی سیاحوں نے بھی نمائش کا دورہ کیا۔وزیٹرز نے یوم پاکستان کی تقریبات میں تحریک پاکستان کے حوالے سے لگائے گئے سٹالز میں گہری دلچسپی کا اظہار کیا۔ یاد رہے کہ تحریک پاکستان کے اوریجنل دستاویزات سیکرٹریٹ سے نکال کر نمائش کے لئے رکھنے کا آئیڈیا سیکرٹری پنجاب آرکائیوز اینڈ لائبریریز جناب احمد رضا سرورکا تھا کہ تمام تاریخی ریکارڈ پبلک کے سامنے رکھا جائے تاکہ انکی معلومات میں بھی اضافہ ہو۔ آرکائیوز کی جانب سے تحریک پاکستان، جنگ آزادی، صدارتی خطبات، قائد اعظم محمد علی جناحؒ کے پاسپورٹ کی کاپی اور نقشے ڈسپلے کئے گئے ہیں۔نمائش کے کامیابی پر اختتام پذیر ہونے پرڈائریکٹر جنرل پبلک لائبریریز اور سیکرٹری بورڈ آف گورنرز قائد اعظم لائبریری ڈاکٹر ظہیر احمد بابر نے کہا کہ پاکستان کے تمام سکولوں اور کالجوں کے اساتذہ کو 23مارچ اور 14اگست کے حوالے سے ٹریننگ دینی چاہیے تاکہ وہ ہماری نئی نسل کو پاکستان کی اہمیت، نظریہ پاکستان اور دو قومی نظریے کے بارے میں آگاہی دے سکیں۔اس قسم کی نمائش سے نہ صرف بچوں بلکہ بڑوں کو بھی ہماری تاریخی پہلوؤں سے آگاہی حاصل ہوگی اور انہیں معلوم ہوگا کہ اصل میں پاکستان کی تاریخ کیسے رقم ہوئی۔

QR Code: