پائی خیل (نامہ نگار)دکھی انسانیت کی بے لوث خدمت کرناصدقہ جاریہ ہے۔علاقہ کی فلاح وبہبودمیں کوئی کسراٹھانہیں رکھیں گے ۔ان خیالات کااظہارقدرت اللہ خان ایڈوکیٹ نے دادامیاں محمدورالیؒ صاحب پارک پائی خیل کے گراسی پلاٹ میں نیچے بیٹھ کرسابقہ روایات کوبرقراررکھتے ہوئے ویلفیئرسوسائٹی پائی خیل کے ایک اہم اجلاس کاآغازکرتے ہوئے کیا۔جس میں یونین کونسل پائی خیل سے ہرمکاتب فکرکے کثیرتعدادلوگوں نے شرکت کی ۔اس اجلاس میں علاقہ کی فلاح وبہبودکے لئے متحرک عہدیداران اورممبران کاچناؤکیاگیا۔جس طرح سرپرستی اعلیٰ رب نوازخان سرمت خیل،وائس چیئرمین شیراحمدخان نواب خیل،صدرحمیداللہ خان عرف گُل،سنیئرنائب صدرمحمداکبرخان چنن خیل،نائب صدرمحبت خان محمدیاروالہ ،جنرل سیکرٹری حمیداللہ خان ملوک خیل،جوائنٹ سیکرٹری احمدخان زمان خیل، فنانس سیکرٹری حاجی محمداسلم خان ہرنے خیل، عطاء اللہ خان نواب خیل کوسیکرٹری نشرواشاعت کے عہدے سونپے گئے ۔جبکہ مشاورتی کمیٹی میں صدرمحمدحنیف خان قتال خیل اورممبران محبوب خان،شیرمحمدخان،مانی خا ن باہی،ڈاکٹراخترخان گلبازی خیل،شوکت خان،حاجی شاہدجاویدخان ،عبدالحمیدخان گوگے خیل جبکہ قانونی مشیرقدرت اللہ خان ایڈوکیٹ کے ناموں کاچناؤکیاگیا۔اورتمام عہدیداران اور ممبران نے اعادہ کیاکہ حلف برداری کی ایک پُروقارتقریب کی جائے گی اورحلفیہ طورپریونین کونسل پائی خیل کی تعمیروترقی کے لئے کام کریں گے اورذات مفادسے دوررہ کرخوفِ خداکودل میں رکھ کردکھی انسانیت کی خدمت کوعملی جامہ پہنائیں گے اورسیاست کودرمیان میں آڑے نہیں آنے دیں گے ۔مزیدبرآں سرگرم سماجی کارکن احمدنوازخان نیازی کوعہدہ سنبھالنے کوکہاگیالیکن انہوں نے ذاتی مصروفیات کی وجہ سے معذرت کرلی۔شرکائے اجلاس کی سموسوں اورگرم گرم چائے سے ریفریشمنٹ کی گئی۔بعدازاں ملک وقوم کی سلامتی کے لئے دعائے خیرکی گئی۔
