مذاہب اور تہذیبوں کے مابین تصادم انتہا پسندی اور دہشتگردی کو جنم دیتا ہے ،چیئرمین قادریہ ٹرسٹ برطانیہ
دنیا میں امن سکون سلامتی اور رواداری کے فروغ کے لیے باہمی فاصلوں کو مٹا کر ہی آپسی غلط فہمیوں اور اختلافات کو شکست دی جا سکتی ہے
غلبہ اسلام تیر تلوار اور ہتھیا ر وں کے استعمال سے ممکن نہیں بلکہ اسکے لیے سیرت و کردار کا عملی نمونہ پیش کرنا ہو گا ، صاحبزادہ پیرمحمد طیب الرحمن
اسلام کی حقیقی اور آفاقی تعلیما ت کو سمجھنے کے لیے غیروں کو قریب آنے کا موقع میسر کرنا ہو گا، مخدوم احمد چشتی ، حاجی منیر حسین ، ڈاکٹر رچرڈ
برمنگھم ( ایس ایم عرفان طا ہر سے ) مذاہب اور تہذیبوں کے مابین تصادم انتہا پسندی اور دہشتگردی کو جنم دیتا ہے ، دنیا میں امن سکون سلامتی اور رواداری کے فروغ کے لیے باہمی فاصلوں کو مٹا کر ہی آپسی غلط فہمیوں اور اختلافات کو شکست دی جا سکتی ہے ،غلبہ اسلام تیڑ تلوار اور ہتھیا ر وں کے استعمال سے ممکن نہیں بلکہ اسکے لیے سیرت و کردار کا عملی نمونہ پیش کرنا ہو گا ۔ ان خیالا ت کا اظہا ر چیئرمین قادریہ ٹرسٹ برطانیہ صا حبزادہ پیر محمد طیب الرحمن قادری نے قا دریہ ٹرسٹ مسجد و کمیونٹی ایجو کیشن سنٹر میں تربیت پا نے والے پا دریوں کے ایک اہم وفد سے با ت چیت کرتے ہو ئے کیا ۔ اس موقع پر ڈا کٹر رچرڈ جے سڈ ورتھ ،مخدوم احمد چشتی ، حاجی منیر حسین ، حاجی عبد المنان ، قاری محمد الطاف حسین اور دیگر بھی موجود تھے ۔ صا حبزادہ پیر محمد طیب الرحمن قادری نے کہاکہ اسلام کی شان و شوکت اور بہتر تصویر پیش کرنے کے لیے برطانیہ اور یو رپ میں بسنے والے مسلمان تا کین وطن کو صراط مستقیم اپنا نا ہو گا ۔ انہو ں نے کہاکہ اسلام دہشتگردی انتہا پسندی اور شدت کی ہر گز اجازت نہیں دیتا ہے رسول رحمت ﷺ کی حیات طیبہ سے صبر و شکر بردباری مواخات اور رواداری کا درس دیتا ہے ۔ انہو ں نے کہاکہ اسلام نظریا تی اختلافات کو قبول کرتا ہے جب تک دوسرے مذاہب کے احترام اور مذہبی آزادی کو ملحوظ خا طر نہیں رکھا جا ئے گا تو امن کا قیام ناممکن ہے ۔ انہو ں نے کہاکہ اپنی مذہبی رسوما ت کی آزادی کے لیے ہمیں برطانیہ اور یورپ میں بسنے والے دوسرے مذاہب کی مذہبی آزادی کا بھی خیال رکھنا ہو گا ۔ انہو ں نے کہاکہ فاصلے اور دوریاں ہمیشہ مفروضوں اندیشوں اور وسوسوں کو جنم دیتے ہیں جن کو مٹا نے کے لیے ایک دوسرے کو قریب لا نے کے لیے موئثر فضاء قائم کرنا ہو گی ۔ مخدوم احمد چشتی نے کہاکہ اسلام کی حقیقی اور آفاقی تعلیما ت کو سمجھنے کے لیے غیروں کو قریب آنے کا موقع میسر کرنا ہو گا تاکہ وہ اسلام کی اصل تصویر کو دیکھ کر نقل کی شناخت کر سکیں ۔ انہو ں نے کہاکہ کلمہ طیبہ کے نام پر دہشت و وحشت کو برپا کرنے والے اسلام کی بنیا دی تعلیما ت سے مکمل طور پر نا بلد افراد ہیں ۔ انہو ں نے کہاکہ اس فتنہ پرور دور میں بین المذاہب ہم آہنگی اور مکالمہ کے زریعہ ہی نفرتوں کو مات دی جا سکتی ہے ۔ اس موقع پر آئے ہو ئے معزز مہمانان گرامی نے کہاکہ مساجد میں عیسائی برادری کے لیے دروازے کھلنا بہت ہی خوش آئند اقدام ہے قربتوں اور رفا قتوں کے اس سفر کو مزید وسعت دینے کی ضرورت ہے ۔
Leave a Reply