لاہور(ایف یو نیوز) پانامہ لیکس پاکستان کے خلاف عالمی سازش ہے عمران خان سوچے سمجھے بغیر رولا ڈال رہے ہیں ان خیالات کااظہار مسلم لیگ ن ٹریڈرزونگ پنجاب کے صوبائی جنرل سیکرٹری الحاج زبیراحمد نے تاجروں کے ایک وفد سے ملاقات میں کیا۔انہوں نے کہا ملک میں بڑی مشکل سے سیاست میں بہتری آرہی ہے عمران خان جمہوریت کے خلاف سازشیں بندکردیں عام انتخابات کے بعد بلدیاتی انتخابات میں بھی عوام نے انہیں مستردکردیا تھا وہ جس کا بدلہ پاکستان سے لینا چاہتے ہیں۔الحاج زبیراحمد نے کہا کامیابیاں نوازشریف کے حصہ میں آرہی ہیں قوم سے خطاب کے دوران انہوں نے پوری قوم کے سامنے اپنا دل کھول کررکھ دیاہے جبکہ مخالفین حسدکے باعث دن بہ دن عوام کااعتماد کھورہے ہیں احتجاجی سیاست کرنے والے اپنی سیاسی موت آ پ مرجائیں گے۔
