پائی خیل کرکٹ گراؤنڈمیں معمولی تلخ کلامی پرکزن کے ہاتھوں نوجوان قتل
پائی خیل (نامہ نگار)پائی خیل کرکٹ گراؤنڈمیں معمولی تلخ کلامی پرکزن کے ہاتھوں نوجوان قتل تفصیلات کے مطابق گزشتہ سے پیوستہ شام پائی خیل میں ایک ہی قبیلہ بلوخیل وانڈھی سنارنوالی کے دونوجوان کزن محمدنعمان عرف ننھو اورمحمدوقاص عرف کاشی کے درمیان کرکٹ گراؤنڈمیں معمولی تلخ کلامی ہوئی ۔ جس کاوقاص عرف کاشی کورنج تھااسی بناء پر وقاص عرف کاشی نے محمدنعمان عرف ننھوولدعالم خان پرفائرنگ کردی جس کے نتیجہ میں محمد نعمان عرف ننھوشدیدزخمی ہوگیا۔ فوراًڈی ایچ کیوہسپتال میانوالی لے جایاگیا لیکن جانبرنہ ہوسکا۔موت کی اطلاع گھرپہنچتے ہی کہرام مچ گیا۔علاقہ بھرمیں فضاسوگوارہوگئی ۔مقتول کی نمازِجنازہ مولوی حافظ غلام سرورنقشبندی نے پڑھائی ۔نمازِجنازہ میں ہرمکتبہ فکرکے کثیرتعدادلوگوں نے شرکت کی اورسینکڑوں سوگواران کی موجودگی میں انہیں آبائی قبرستان دادامیاں محمدورالیؒ میں سپردخاک کردیاگیا۔ تاہم تھانہ پائی خیل پولیس نے مقتول کے چچااحمدخان کی رپورٹ پردوافرادباپ اوربیٹامحمدوقاص ولدطربازکے خلاف مقدمہ درج کرکے تفتیش شروع کردی۔
Leave a Reply