جھنگ(حبیب الرحمن) ڈی ایس پی احمد پور سیال کے دفتر میں گھریلو تنازعہ پر مخالفین نے 45 سالہ ناصر سیال کا کان کاٹ دیا گیا۔ذرائع کے مطابق ناصر سیال گھریلو جھگڑے کے مقدمہ میں ڈی ایس پی احمد پور سیال ضیا حسنین کاظمی کے دفتر میں پیشی پر آیا ہوا تھا۔پیشی سے قبل دس سے زائدمخالفین نے ناصر سیال پر حملہ کر کے اس کا کان کاٹ دیا۔پولیس نے فوری کارروائی کرتے ہوئے ایک شخص احمدعلی کو گرفتار کر لیا جبکہ دیگر افراد موقع سے فرار ہونے میں کامیاب ہو گئے۔پولیس کے مطابق ملزموں کے خلاف مقدمہ درج کر لیا گیا ہے اور جلد باقی ملزموں کو بھی گرفتار کر لیا جائے گا۔
