واں بھچراں (ایف یو نیوز) ملک بھر کی طرح واں بھچراں کے علاقہ شادیہ میں بھی محرم الحرام کا جلوس نکالا گیا جوکہ اپنے مخصوص روٹس سے گزر کر امام بارگاہ شادیہ پر اختتام پذیر ہوا ۔مختلف ذاکرین وعلماء نے حضرت امام حسین رضی اللہ تعالی عنہ کی لازوال قربانی اور سیرت و کردار پر روشنی ڈالی۔اس موقع پر میٹھے پانی کی سبیلیں لگائیں گئی ،جلوس میں شامل عزادارسینہ کوبی اور زنجیر زنی کرتے رہے ۔جلوس کی گزرگاہ اور اطراف کے تمام راستے سیل اور کاروباری مراکز بند رتھے ۔اور پولیس کی جانب سے سیکورٹی کے سخت حفاظتی انتظامات کئے گئے تھے ، تھانہ واں بھچراں کے ایس ایچ او محمد رمضان سگو واں بھچراں کے سینئر صحافی رانامحمداصغرکے ہمراہ سیکورٹی انتظامات کی نگرانی کرتے رہے اس کے علاوہ نائب تحصیلدار واں بھچراں فتیح اللہ خان بھی موجود رہے ۔
