جھنگ (حبیب الرحمن) اٹھارہ ہزاری کے تھانہ کوٹ شاکر کے علاقہ کوٹ ملدے میں خستہ حالی کے باعث مکان کی دیوار گرنے سے 16 سالہ عقیلہ، 14 سالہ رضوان، 12 سالہ رِدااور چھ سالہ فاطمہ ملبے تلے دب گئے۔اس موقع پر اہل علاقہنے ریسکیو 1122 کو اطلاع کر دی اورامدادکاروائیوں کے ذریعے ملبہ ہٹا کر زخمیوں کو باہر نکالا گیا۔اس حادثے میں عقیلہ موقع پر ہی جبکہ فاطمہ ہسپتال لےجاتے ہوئے جاں بحق ہو گئی۔ریسکیو 1122 نے 14 سالہ رضوان اور 12 سالہ رِدا کو ابتدائی طبی امداد کی فراہمی کے بعد مزید علاج کے لئے تحصیل ہیڈ کوارٹر ہسپتال اٹھارہ ہزاری منتقل کر دیا ہے۔