پائی خیل (نامہ نگار) پائی خیل لفٹ اری گیشن سکیم کوفوری چالوکرکے پانی کوٹیل تک پہنچاکرکسانوں کومکمل ریلیف دیاجائے ۔ڈی سی اوشوزب سعید تفصیلات کے مطابق گزشتہ روزڈی سی اومیانوالی شوزب سعیدنے ایکسین انہارمیانوالی ڈویژن راشدخان،ایکسین ای ماڈلنگ محمدرفیق سوبھی ،ایکسین واپڈاابراراحمداورایف پی ڈی عبدالماجدخان نیازی کے ہمراہ لفٹ اری گیشن پائی خیل کادورہ کیا۔اس موقع پرکسانوں کی بہت بڑی تعدادموجودتھی ۔ڈی سی اوشوزب سعیدنے کسانوں کے مطالبہ پرایکسین ای ماڈلنگ کوہدایت کی کہ پائی خیل لفٹ اری گیشن سکیم کوفوری طورپرفنکشنل آپریشن کروائیں تاکہ کاشتکاربروقت گندم کی فصل کاشت کرسکیں۔انہوں نے کہاکہ حکومت پنجاب نے اس سکیم کی تکمیل پر64کروڑروپے کاشتکاروں کوآب پاشی پانی کی سہولت کی فراہمی کے لئے خرچ کیے ۔اگرکاشتکاراس سہولت سے مستفیدنہیں ہوتے ۔تویہ رقم ضائع کروانے کے مترادف ہے ۔فوری طورپرمشینری ،جرنیٹروغیرہ درست کروائی جائیں۔انہوں نے لفٹ اری گیشن سکیم پرمستقل ٹیکنیکل سٹاف بھی تعینات کرنے کی ہدایت کی۔اس موقع پرکاشتکاروں نے ڈی سی اوشوزب سعیدکوبتایاکہ یہ سکیم 1995میں شروع ہوئی۔اور2011میں مکمل ہوئی لیکن بدقسمتی کایہ عالم ہے کہ تاحال اس سکیم کاپانی ٹیل تک نہیں پہنچ سکا۔حالانکہ اس سکیم سے مجموعی طورپر27ہزارایکٹررقبہ سیراب ہوناتھا۔جوپانی کی فراہمی نہ ہونے سے بنجرہورہاہے۔انہوں نے ایکسین واپڈاکولفٹ اری گیشن سکیم پائی خیل کوآپریشنل کرنے کے لئے مکمل تعاون کی ہدایت کی۔

QR Code: