لاہور (ایف یو نیوز) اقتصادی راہداری منصوبے کو متنارعہ بنانے کی سازش کرنے والے ملک وقوم کے دشمن ہیں ۔ ان خیالات کااظہار مسلم لیگ ن تاجرونگ پنجاب کے جنرل سیکرٹری الحاج زبیر احمد نے تاجروں کے ایک وفد سے ملاقات کے دوران کیا۔انہوں نے کہااقتصادی راہداری منصوبے کی تکمیل سے پاکستان میں ایک نئے انقلابی دورکا آغازہوگا جس سے ملک بھر میں ترقی و خوشحالی کی لہر دوڑ جائے گی یہ منصوبہ پاکستان کی ترقی میں ریڈھ کی ہڈی کی مانندہے اس عظیم قومی منصوبہ کو متنارعہ نہ بنایا جائے۔ الحاج زبیر احمدنے کہا پاکستان کوبحرانوں سے صرف میاں نواز شریف ہی بچا سکتے ہیں اسی لئے آج پوری قوم ان کی جلد صحت یابی کی دعائیں کررہی ہے ہمیں ان کی قیادت پر فخرہے مخالفین الیکشن تک مکمل سکون کریں اب عوام ان کے جھانسے میں آنے والے نہیں ہیں۔

QR Code: