پائی خیل(نامہ نگار)عمدۃ العارفین پیرسیدحاجی برہان شاہ ہمدانی آستانہ عالیہ دندہ شاہ بلاول کے سالانہ دوسرے عرس مبارک کی تقریبات اختتام کوپہنچیں۔ تفصیلات کے مطابق عمدۃ العارفین پیرسیدحاجی برہان شاہ ہمدانی آستانہ عالیہ دندہ شاہ بلاول کے عرس مبارک کی تقریبات پیرطریقت پیرسیدعبدالماجدشاہ ہمدانی کی صدارت میں گزشتہ روزمنگل کو ختم ہوگئیں ۔جن میں سینکڑوں عقیدت مندوں کے علاوہ علماء کرام ومشائخ عظام کی کثیرتعدادنے شرکت کی ۔اس موقع پرعلامہ پروفیسرظفراقبال قادری نے خطاب کرتے ہوئے کہاکہ سادات(سیدگھرانے )سے اللہ اوراس کے رسولﷺکی رضاکی خاطرمحبت کرنی چاہیے ۔ کیونکہ برکات وحسنات کامخزن ومعدن سادات کاگھرانہ ہوتا ہے ۔ انہوں نے شان اولیاء بیان کرتے ہوئے کہاکہ اولیاء کرام کی کاوشوں کی وجہ سے اسلام کوفروغ ملاپاکستان کے قیام میں اکابرین اہلسنت نے اہم کرداراداکیا۔عرس پاک کی محافل کے انعقاد کامقصدنئی نسل میں اولیاء کرام کے بارے میں شعورپیداکرناہوتاہے ۔برصغیرپاک وہندمیں اولیاء کرام نے جس اندازمیں اشاعت اسلام کی اسکی مثال نہیں ملتی لاکھوں غیرمسلموں نے اولیاء کرام کی تبلیغ سے متاثرہوکردین اسلام کی دولت حاصل کی ۔اولیاء کرام کاپیغام ہمیں اس بات کی تعلیم دیتاہے کہ ہم اسلام کی تبلیغ واشاعت میں کوئی دقیقہ فروغ ذاشت نہ اٹھائیں بلکہ اپنی صلاحیتیں اسلام کی سربلندی کے لئے صرف کریں ۔معروف ثناء خوان مصطفیﷺعبدالمجیدبھوروی،یحییٰ خان نیازی نے گلہائے عقیدت پیش کیاجبکہ نقابت کے فرائض ناصرشاہ ہمدانی نے سرانجام دیے ۔عرس پاک پیرسیدعبدالماجدشاہ ہمدانی، پیرسیدعبدالواجدشاہ ہمدانی،پیرسیدعنصرشاہ ہمدانی،پیرسیدساجدعلی شاہ ہمدانی،پیرمحمدشاہ ہمدانی کی صدارات ونگرانی میں منعقدہوا ۔اختتامی نشت میں قرآن خوانی،نعت خوانی، خطابات، حضرت سخی نوری شاہ سلطان بلاول اورتمام سادات کے مزارات کے بعدخصوصی چادرپوشی پیرسیدحاجی برہان شاہ ہمدانی کے مزارپرکی گئی۔بعدازاں عالم اسلام اورملک پاکستان کی سلامتی کے لئے دعائے خیرکی گئی بعدمیں لنگربھی تقسیم کیاگیا۔
