لاہور(ایف یو نیوز) مسلم لیگ ن ٹریڈرزونگ پنجاب کے صوبائی جنرل سیکرٹری الحاج زبیراحمد نے کہاہے کہ موجودہ حکومت عوامی امنگوں کے عین مطابق فلاحی منصوبے تیارکررہی ہے اورنج لائن ٹرین ترقی و خوشحالی کا منصوبہ ہے مخالفین کے پاس کوئی پروگرام نہیں تنقید برائے تنقید سے ملک کی کوئی خدمت نہیں کی جاسکتی۔انہوں نے کہا میاں نوازشریف اور میاں شہباز شریف پاکستان کے ساتھ مخلص ہیں اسی لئے عوام مسلم لیگ ن کے ساتھ ہے۔الحاج زبیراحمد نے کہا آج عوام میں تحریکِ پاکستان کا جذبہ بیدارکرنے کی ضرورت ہے تاکہ اس پاک وطن میں ایسا معاشرہ پروان چڑھ سکے جس میں لڑائی نہ ہو،شرانگیزی نہ ہو،دہشت گردی نہ ہو، امن ہو، سکون ہو۔انہوں نے کہا مسلم لیگ نے پاکستان بنایا مسلم لیگ ہی مستحکم، خوشحال،پرامن اورمضبوط پاکستان کی ضمانت ہے۔
