ڈی پی اومیانوالی صادق علی ڈوگرکا سستا رمضان بازارواں بھچراں کا اچانک دورہ
واں بھچراں(ایف یو نیوز) ڈی پی اومیانوالی صادق علی ڈوگرنے سستا رمضان بازارواں بھچراں کا اچانک دورہ کیا اور سبزیوں ،پھلوں ،گوشت اور دیگر اشیائے خوردونوش کے سٹالز کامعائنہ کیا ،انجمن تاجران کے عہدیداران اور صحافیوں سے بھی ملاقات کی اور رمضان بازار کے بارے میں تفصیلی معلومات حاصل کیں۔تفصیلات کے مطابق گزشتہ روز ڈی پی اومیانوالی صادق علی ڈوگرنے اچانک رمضان بازارواں بھچراں کا دورہ کیا، ایس ایچ او تھانہ واں بھچراں محمد رمضان سگو اورنائب تحصیلدار فتیح اللہ خان نے ڈی پی اومیانوالی کا استقبال کیا ۔ ڈی پی اوصادق علی ڈوگر نے رمضان بازار میں پھلوں ،سبزیوں ،گوشت اور دیگر اشیائے خوردونوش کے سٹالوں کا معائنہ کیا اور خریداری کیلئے آنیوالے افراد سے بھی فراہم کی جانیوالی سہولیات اور قیمتوں کے حوالے سے دریافت کیا۔ڈی پی اوصادق علی ڈوگر نے رمضان بازار کی انتظامیہ کو ہدایت کی کہ رمضان بازار میں معیاری اشیائے خوردونوش کی وافر مقدار میں فراہمی یقینی بنائے جائے ، انجمن تاجران کے جنرل سیکرٹری رانامحمداصغر نے رمضان بازار میں سیکورٹی کے بہتر ین انتظامات پر ایس ایچ اوکی کارکردگی کو سراہاتے ہوئے ڈی پی اوکو بتایا کہ رمضان بازار میں آنے والے افراد کی چیکنگ اور مشکوک افراد پر کڑی نظر رکھی جارہی ہے اور رمضان بازار کے چاروں اطراف پولیس اہلکار تعینات کئے گئے ہیں ۔آخرمیں ڈی پی اومیانوالی صادق علی ڈوگر نے انجمن تاجران واں بھچراں کے عہدیداران رانامحمد اصغر جنرل سیکرٹری ،سردار بھچر صدر ،شیخ انوار ودیگر کے ہمراہ گروپ فوٹو بنوایا۔
Leave a Reply