داؤدخیل(ذوالفقارخان)ڈی پی او میانوالی سرفراز خان ورک نے عوام کے مسائل حل کرنے اور ان کو سہولت فراہم کرنے کے لیے علاقہ تھانہ داؤد خیل میں کھلی کچہری لگائی ۔جب ڈی پی او میانوالی سرفراز خان کھلی کچہری میں پہنچے تو عوام کا سمندر نے پرتپاک استقبال کیا۔پھولوں کے پتیوں اور روایتی پگڑیاں پہنا کر سٹیج تک لے گئے۔کھلی کچہری میں ڈی پی او میانوالی نے خطاب کرتے ہوئے کہا کہ سب سے پہلے عوام کا شکریہ ادا کرنا چاہتا ہوں ۔مجھے آج یہ عوام اور ان کا جوش دیکھ کر لگ رہا ہے کہ میانوالی پولیس کی کارکردگی تسلی بخش ہے۔میں اور میری ٹیم کا مشن میانوالی سے جرائم پیشہ افراد کا خاتمہ کرناہے۔ منشیات فروش ،سود خود ،منشیات فروش ،مجرمان اشتہاری،ڈکیت اور دیگر جرائم پیشہ افراد کے لیے ضلع میانوالی میں کوئی جگہ نہیں ۔ انہوں نے کہاکہ اسلحہ کی نمائش کرنے والوں کو بالکل برداشت نہیں کیا جائے۔ہمارا مشن میانوالی سے اسلحہ کلچر کو ختم کر کے امن کی فضا بحال کرنی ہے ۔یہ تب ہی ممکن ہے جب آپ پولیس کے ساتھ تعاون کریں،،جرائم پیشہ افراد کی نشاندہی کریں ،اپنے آس پاس امن اور محبت کی فضا بحال کریں،لڑائی جھگڑا کو چھوڑکر اپنے بچوں کا مستقبل بنائیں۔میں نے تمام پولیس افسران کو ہدایت کی ہوئی ہے کہ تھانہ میں سائل کو عزت دیں ان کے ساتھ ہونے والی زیادتیوں کا ازالہ کریں اور جو گناہ گار ہے اس کو سزا دلوائیں۔ڈی پی اونے کہاکہ میانوالی پولیس کا مشن غریب کی آواز بننا ہے ۔ میں غریب کے درد کو سمجھتا ہوں۔میرے دروازے ہر کسی کے لیے کھلے ہیں۔ ڈی پی او نے شرکاء کے مسائل بھی سُنے اور موقع پر احکامات جاری کیے۔

QR Code: