پائی خیل (نامہ نگار) مدرسہ غوثیہ مہریہ نصیریہ میں ہفتہ واربزم ادب کاانعقادتفصیلات کے مطابق مدرسہ غوثیہ مہریہ نصیریہ متصل جامع مسجدشیرخیل المعروف شریں والی سٹی پائی خیل میں ہفتہ واربزم ادب کاپروگرام گزشتہ روزاتوارکومنعقدہوا۔تلاوت کلام پاک سے بزم ادب کاآغازمدرسہ کے طالبعلم حافظ محمدمحسن،حافظ محمدعادل،حافظ طاہرعلی نے کیا۔جبکہ نعت رسول مقبول ﷺعبدالرؤف روفی،محمدبرکت اللہ،محمدکاشف،محمدعدنان،شاہ زیب،محمدریحان،طالبہ رفعت شاہین ،رانی نے پڑھی ۔جبکہ تقریرحافظ محمدزیبرنے کی ۔بزم ادب کی اس پُروقارمحفل میں قاری آصف عنایت اللہ چشتی مہتمم مدرسہ غوثیہ مہریہ نصیریہ،مدرس حافظ کریم اللہ چشتی اورمولوی امان اللہ قادری نے طلباء وطالبات سے خطاب کرتے ہوئے کہاکہ اس بزم ادب کابنیادی مقصدطلباء وطالبات میں قرآن مجیدفرقان حمیدکی تعلیم کے ساتھ ساتھ ان اخلاقی تربیت کرناہے۔انہوں نے قرآن مجیدفرقان حمیدکے ادب ،مسجدکے ادب واحترام اوروالدین کی عظمت پرمختلف پہلوؤں سے روشنی ڈالی۔قاری آصف عنایت اللہ چشتی نے کہاکہ تلاوت کلام پاک اچھی آواز ،دلکش انداز اور خوشنما لہجے کے ساتھ پڑھنا شریعت مطہر ہ کا محبوب عمل ہے۔اور سنت مصطفی صلی اللہ تعالیٰ علیہ وسلم اور حکم خداوند جل واعلیٰ ہے ۔لیکن اس میں ضروری اور اہم بات یہ کہ اس کا خاص خیال رہے کہ خوش الحانی کے دھن میں کہیں الفاظِ قرآنی میں کمی وبیشی نہ آئے اور نہ موسیقی کے راگوں ،سروں کے وزن پر پڑھا جائے بلکہ سرکا ر ﷺ کے فرمان مبارک کے مطابق’’یعنی قرآن عربی لہجوں اور عربی آوازوں سے پڑھو‘‘ ۔مولوی امان اللہ قادر ی نے کہاکہ حقوق العبادمیں سب سے پہلاحق والدین کاہے ۔جس طرح اللہ رب العزت نے والدین کے ساتھ نیکی اوراحسان کرناہم پرفرض کیاہے اسی طرح انکے ساتھ سختی سے بات کرنے سے بھی منع فرمایاہے۔ اوروالدین کی نافرمانی کوحرام قراردیاہے۔حافظ کریم اللہ چشتی نے خطاب کرتے ہوئے ۔قرآن مجیدفرقان حمیداللہ رب العزت کی آخری کتاب ہے جوسب کتابوں کی تصدیق کرنے والی ہے یہ ہمارے نبی کریم ﷺ پرنازل ہوئی جونبی کریم ﷺتمام نبیوں کاسردارقرآن مجید ہمارے نبی علیہ الصلوٰۃ والسّلام کاکتنابڑامعجزہ ہے جوقیامت تک ہمارے پاس موجودہے اسکی حفاظت کا ذمہ خودخالق کائنات نے لیاہے پہلی کتابوں میں ردل بدل ہوتارہالیکن قرآن پاک ایک ایسی کتاب ہے جس میں قیامت تک ردل بدل کوئی نہیں کرسکتا۔اختتام پرصلوٰۃ وسلام ،عالم اسلام وملک پاکستان کی سلامتی کے لئے دعائے خیراورلنگرتقسیم کیاگیا۔
