پائی خیل (نامہ نگار) ایچ بی ایل پائی خیل برانچ(1145) میانوالی بنوں کالاباغ روڈپر واقع ہے ۔ اس برانچ میں تقریباً3تین ہزارسے زائداکاؤنٹ ہولڈرہیں۔میانوالی سے لیکرکالاباغ ،کوٹ چاندنہ تک تقریبافاصلہ60 کلومیٹربنتاہے ۔ ایچ بی ایل پائی خیل برانچ کے علاوہ ا تنے فاصلہ میں کسی بینک کی کوئی برانچ نہیں ہے۔میانوالی سے کالاباغ تک 60کلومیٹر میں اے ٹی ایم مشین نہ ہونے کی وجہ سے صارفین کوانتہائی پریشانی کاسامناکرنا پڑتاہے۔چنانچہ فوری رقم نکلوالنے کے لئے صارفین کومیانوالی /اسکندرآبادجاناپڑتا ہے۔جبکہ ملک پاکستان میں بینکنگ کی ہفتہ ،اتوارکوچھٹی ہوتی ہے۔جس کی وجہ سے چیک سے رقم نکلوانے والے صارفین کوکافی پریشانی کاسامناکرناپڑتاہے۔مزیدبرآں اے ٹی ایم کارڈ ہونے کے باوجود ہمیں چیک سے رقم نکلوالنی پڑتی ہے۔جوصارفین کے علاوہ بینک کے عملہ کے لئے پریشانی کاباعث ہے۔علاوہ ازیں کچھ اکاؤنٹ ہولڈراسی وجہ سے اے ٹی ایم کارڈ نہیں لیتے کہ یہاں پر اے ٹی ایم مشین نہیں ہے۔ ان تمام مسائل کاحل یہ ہے کہ ایچ بی ایل پائی خیل برانچ میں جلدازجلداے ٹی ایم مشین نصب کی جائے۔  حافظ رحمت اللہ ولدغلام عیسیٰ فتح محمدعرشی ؔ ولدعطاء محمد، عبدالرشیدولدملک ظریف حافظ کریم اللہ چشتی ولدحافظ رحمت اللہ، یارمحمدولدعطاء محمد قاری آصف عنایت اللہ چشتی، زاہدمحمودخان ولدمحمدخان پرویزخان ولدمحمدافضل خان، احمدنوازخان ولدشہبازخان محمدثناء اللہ ولدحافظ ہدایت اللہ، عبدالغفارخان ولدمحمداکبرخان عامرشہبازولدعلی خان و دیگر معززین علاقہ نے اپنی تحریری درخواست میں چیئرمین ایچ بی ایل ،کراچی جناب سلطان علی علانہ صاحب سے مطالبہ کیا ہے کہ پائی خیل میں  جلد از جلد اے ٹیم ایم مشین کی تنصیب کروائی جائے تاکہ صارفین کی پریشانی کافی الفورازالہ بھی ہوسکے۔

QR Code: