اٹک (ایف یو نیوز) بصارت سے محروم افراد کا عالمی یوم تحفظ سفید چھڑی ہر سال 15 اکتوبر کو اس عزم کے ساتھ منایا جاتا ہے کہ یہ افراد بھی ہمارے معاشرے کا حصہ ہیں، انہیں نظر انداز کرنے کی بجائے ان کی صلاحیتوں سے بھرپور استفادہ کرکے عام افراد کے شانہ بشانہ زندگی کی دوڑ میں شامل کرنے کے مواقع فراہم کئے جائیں۔ اس موقع پر بصارت سے محروم افراد کیلئے خصوصی پروگرامز ترتیب دیئے گئے ہیں جن میں سیمینارز، مذاکرے اور آگہی واکس شامل ہیں۔ نابینا افراد اس رنگ و بو کی دنیا کو نہیں دیکھ سکتے مگر حقیقت میں وہ بصیرت کی دولت سے مالا مال ہیں۔ اقوام متحدہ نے1964ء میں نابینا افراد کے حقوق کے تحفظ کا بل منظور کرتے ہوئے ہر سال 15 اکتوبر کو سفید چھڑی کے تحفظ کا عالمی دن منانے کا فیصلہ کیا۔ 
اس سلسلے کا ایک پروقار تقریب کا اہتمام النور ویلفئر سوسائٹی کے زیر اہتمام کیا گیا جس ملک اٹک کے تمام تحصلیوں کے اسپیشل سکولز کے طلبہ وطالبات اور اساتذہ نے شرکت کی – پروگرام کے مہمان خصوصی ایم پی اے جانگیر خانزاہ صاحب تھے جبکہ دیگر مہمانان گرامی میں ملک طاہر رضوان صاحب , یاسر زمان خان صاحب , ڈی سی او اٹک, ڈی او سوشل ویلفیئر آفیسر , خالدہ مسرت رانا صاحبہ , ناصر اقبال ارشد صاحب کے علاوہ ماریہ کنول صاحبہ , سیداسدکاکاخیل , بلال احمد اعوان, ضیغم رضا , عبیداللہ اور پرنٹ میڈیا و الیکٹرانک میڈیا کے نمائندوں نے خصوصی شرکت کی- پروگرام میں پیفاء اور سی بی ایس اٹک کے ولینٹر نے اپنے خدمات سرانجام دیں- اس موقع پر نوجوان گلوکار حمزہ ہادی نے ملی نمغہ گا کر حاضرین محفل سے خوب داد وصول کی – اس پروگرام کی براہ راست کوریج ایف ایم 90.4 اٹک نے دی۔
