اسلام آباد: متحدہ علماء و مشائخ کونسل آف پاکستان کے سربراہ ملک صفدر علی اعوان نے کہا ہے کہ پاکستان کی سلامتی دفاع اور استحکام ہمارے ایمان کا حصہ ہے۔ علامہ اقبال اور قائد اعظم کے نظریے اور عقیدے کو آگے بڑھانا ہی ہمارا مشن ہے۔ پاکستان کیلئے نہ کبھی پہلے پیچھے ہٹے ہیں اور نہ آگے کسی قربانی سے دریخ کریں گے۔ نوجوان نسل کو نظریاتی ورثہ منتقل کرنا ہو گا۔ وہ فیوچر فاؤنڈیشن سکول ڈھوک عباسی ترنول میں یوم پاکستان کے موقع پر جلسہ عام سے مہمان خصوصی خطاب کرر ہے تھے ۔ جلسہ سے کونسل کے مرکزی صدر پیر سید فریاد علی گیلانی، مفتی ظہوراللہ ہاشمی، صاحبزادہ میاں محمد رفیق جاگوی ، محمود خان ، سالار لال بادشاہ ، شہاب الدین، حاجی نعمراللہ، حاجی سعیداللہ، میاں محمد اکرم، علی اصغر اعوان، ملک شاہد اعوان، قاضی ظہور اللہ قادری، پیر رستم حیدری، صاحبزادہ طاہر محمود، جمیل اعوان ، امتیاز عباسی، سردار محمد طاہر تبسم، بلال کھوکھر اور میزبان کونسل کے سینئر نائب صدر سید اسرار عامر شاہ نے بھی خطا ب کیا۔ ملک صفدر علی اعوان نے کہا کہ پاکستان کو بنانے اور بچانے میں علماء و مشائخ نے تاریخی کردار ادا کیا ہے جمہوریت کی تقویت کیلئے موروثی سیاست کا خاتمہ ضروری ہو چکا ہے۔ ہمارے خون میں وفا شامل ہے ہم تمام مذاہب اور مسالک کو ساتھ لے کر چلیں گے۔ انہوں نے کہا کہ متحدہ علماء و مشائک کونسل بلدیاتی انتخابات میں بھرپور حصہ لیں گے۔
