شیخوپورہ: ضلع کے 1450 سے زائد تعلیمی اداروں میں سیکیورٹی کے انتظامات کا جائزہ لینے کے لیے 9کمیٹیاں تشکیل دے دی گئیں۔ یہ اقدام سانحہ پشاور کی بناء پر اٹھایا گیا۔ ان کمیٹیوں میں محکمہ تعلیم اور محکمہ پولیس کے علاوہ ضلعی انتظامیہ کے نمائندے بھی شامل ہیں جو موسم سرما کی تعطیلات کے دوران ان سکولوں کا سروے مکمل کر کے سیکیورٹی کے انتظامات کے حوالے سے اپنی سفارشات مرتب کر کے اپنی رپورٹ ضلعی حکومت کو بھیجیں گے۔
