پپلاں( محمد رضوان آکاش) ایک کروڑ روپئے کی خطیر رقم کے خرچ سے تعمیر ہونیوالا پپلاں کا اکلوتا چلڈرن پارک ٹوٹ پھوٹ کا شکار ہو کر موہنجودڑو کے کھنڈرات کا منظر پیش کرنے لگا پارک میں سیرو تفریح کے لیئے آنے والے بچے پارک کے جھولوں کی ٹوٹ پھوٹ سے مشکلات کا شکار صفائی کا نظام درہم برہم پارک میں جگہ جگہ کچرے کے ڈھیر شہریوں کے لیئے عذاب بن گئے۔ پارک میں اپنے بچوں کو سیر و تفریح کے لیئے لانے والے شہریوں نے میڈیا کے نمائندوں کو کہا کہ ٹی ایم اے پپلاں کے کروڑوں روپئے کے فنڈز کو عوام کی فلاح و بہبود پر خرچ کرنے کی بجائے چند من پسند کو لوگوں کو نوازنے کے لیئے خرچ کیا جاتا ہے اور پپلاں کے اکلوتے چلڈرن پارک کی حالت زار انتظامیہ کی عدم توجہی کی وجہ سے انتہائی خستہ ہے جو ٹی ایم اے کے افسران کی جیبیں بھرنے کا ذریعہ بن چکے ہیں جھولے ٹوٹ پھوٹ کا شکار ہیں جس کی وجہ سے پارک میں آنے والے بچوں کو شدید مشکلات درپیش ہیں انہوں نے ڈی سی او میانوالی اور اعلی حکام سے چلڈرن پارک پپلاں کی بد حالی کا نوٹس لینے کا مطالبہ کیا ہے۔
