ڈی پی او میانوالی کی خصوصی ہدایت پر پپلاں پولیس نے کامیاب کاروایوں میں منشیات پکڑ لی مقدمات درج
پپلاں( محمد رضوان آکاش) ڈی پی او میانوالی سرفراز خان ورک کی خصوصی ہدایت پر ڈی ایس پی پپلاں فرخ سہیل سندھو اور ایس ایچ او پپلاں انسپکٹر محمد ارشد گوندل کا منشیات فروشوں کے خلاف کریک ڈاؤن جاری ۔ نواحی گاؤں جال شمالی اور جال جنوبی سے دو منشیات فروش بھاری منشیات سمیت رنگے ہاتھوں گرفتار دونوں منشیات فروشوں کے خلاف9-سی , سی این ایس اے کے علیحدہ علیحدہ مقدمات درج منشیات فروش حوالات میں بند، پپلاں پولیس کو مخبر نے اطلاع دی کہ نواحی گاؤں جال جنوبی کا رہائشی بد نام زمانہ منشیات فروش شفاء اللہ ولد محمد امیر قوم بلوچ جو کہ عادی منشیات فروش ہے اپنے گھر کے سامنے بیٹھک میں کھلے عام منشیات فروخت کر رہا ہے اور فوی ریڈ کیا جائے تو وہ گرفتار ہو سکتا ہے جس پر ڈی ایس پی پپلاں فرخ سہیل سندھو اور ایس ایچ او انسپکٹر محمد راشد گوندل نے سب انسپکٹر غلام قادر کی سربراہی میں ایک ریٖڈ پارٹی کو فوری طور پر موقع پر بھیجا جس نے ریڈ کر کے منشیات فروش کو1400گرام چرس سمیت گرفتار کر کے اسکے خلاف منشیات ایکٹ کی دفعہ9-سی کا مقدمہ درج کر لیا دوسری کاروائی میں اے ایس آئی محمد انور خان نے پولیس پارٹی کے ہمراہ نواحی گاؤں جال کے ریلوے پھاٹک کے قریب محلہ سمن آباد پپلاں کے رہائشی منشیات فروش محمد ارشد ولد شیر جنگ قوم تیلی کو 1360گرام چرس لیکر آتے ہوئے دھر لیا اور مومی شاپر میں چھپائی ہوئی1350گرام چرس برآمد کر کے اس خلاف بھی منشیات ایکٹ کی دفعہ9-سی کا مقدمہ درج کر لیا پپلاں پولیس نے دونوں منشیات فروشوں کو حوالات میں بند کر دیا گیا ۔ ڈی ایس پی پپلاں فرخ سہیل سندھو اور ایس ایچ او پپلاں انسپکٹر محمد ارشد گوندل نے بعد ازاں صحافیوں سے گفتگو کرتے ہوئے کہاکہ انشاء اللہ ہم اپنے تھانہ کی حدود سے جرائم کا مکمل خاتمہ کر کے دم لیں گے اور منشیات فروشوں سود خوروں جوئے کے اڈے چلانے والوں اورموٹر سائیکلوں کی چوری ، ڈکیتی کی وارداتوں کے علاوہ جرائم پیشہ سرگرمیوں میں ملوث افراد کے خلاف بلا تفریق کاروایاں جاری ہیں اور پولیس کو بھر پور کامیابیاں مل رہی ہیں اور یہ مہم پورے زور شور سے جاری رہے گی میڈیا کے نمائندوں اور سول سوسائیٹی کا بھی فرض ہے کہ وہ جرائم پیشہ افراد کو بے نقاب کریں تاکہ ہم اُن کے خلاف کاروائی کریں کیونکہ شہریوں کی جان و مال اور عزت کا تحفظ پولیس کی ذمہ داری ہے اور انشاء اللہ ڈی پی او میانوالی سرفراز خان ورک کی ہدایت کے مطابق علاقہ بھر سے جرائم کا خاتمہ کر کے دم لیں گے۔
Leave a Reply