پپلاں ( محمد رضوان آکاش) ہرنولی کے نواحی چک 8-ڈی بی میں رہائش پذیرمعروف وکیل نور خان شہباز خیل کے گھر میں ڈکیتی کی واردات چار نا معلوم مسلح ڈکیت31 تولے سونا چاندی کے زیورات، نقدی کپڑوں ایل ای ڈی اور موبائل سمیت سولہ لاکھ چالیس ہزار دو سو روپئے کا مال لوٹ کر فرار، ہرنولی پولیس نے ملزمان کے خلاف مقدمہ درج کر کے تفتیش شروع کر دی۔ پپلاں بار کے معروف وکیل نور خان ولد ہیبت خان پٹھان شہباز خیل نے پولیس کو درخواست دی کہ وہ کہ وہ گزشتہ رات اپنے بیٹے وسیم احمد اور اہل خانہ کے ہمراہ اپنے گھر میں سوئے ہوئے تھے کہ رات ڈیڑھ بجے کے قریب چار نا معلوم مسلح افراد انے گھر میں داخل ہو گئے جنہوں نے اپنے چہرے ڈھانپ رکھے تھے جن کی عمر27 اور29 سال کے قریب تھی اور سب گھر والوں کو جگا کر اسلحہ کے زور صحن میں جمع کر دیا اور باری باری تمام کمروں میں موجود الماریوں اور بکساجات کے تالے توڑ کر27تولے سونے چار تولے چاندی کے زیورات،30عدد نوتوں کے ہار، 32انچ کی ایل ای ڈی دو لاکھ روپئے نقد، پچاس جوڑے کپڑے اور نوکیا موبائل سمیت سامان اکٹھا کر لیا اور گٹووں میں ڈال لیا جبکہ تمام گھر والوں کو رسیوں سے باندھ ایک کمرے میں بند کر کے موقع واردات سے فرار ہو گئے اور تقریبا آدھا گھنٹہ بعد انہوں نے ایک چھری کی مدد سے رسیاں کاٹ خود کو اور گھر والوں کو آزاد کیا ہرنولی پولیس نے چار نا معلوم مسلح افراد کے خلاف زیر دفعہ392ت پ ڈکیتی کا مقدمہ نمبر120 درج کر کے تفتیش شروع کر دی لیکن تا حال ڈکیتی کی اس واردات کے ملزموں کا سراغ نہیں مل سکا۔
