چنگ چی رکشا سائیکل تصادم ، حرکت قلب بند ہو جانے سے حبیب اللہ اور رانا عبدالرزاق کا انتقال
پپلاں ( محمد رضوان آکاش) نواحی گاؤں دوآبہ میں چنگ چی رکشا اور سائیکل سوار کے درمیان تصادم اور شدید گرمی سے حرکت قلب بند ہو جانے کے دو الگ الگ واقعات میں دو افراد زندگی سے ہاتھ دھو بیٹھے۔ گزشتہ روز دوآبہ کا رہائشی غریب مزدور حاجی حبیب اللہ نمداری خیل شام کے بعد سائیکل پر سوار ہو کر شیر شاہ سوری روڈ پر دوآبہ سے علووالی کی طرف جا رہا تھا کہ دوآبہ اور ڈھنگانہ کے درمیان علووالی کی طرف سے آنے والے ایک تیز رفتار چنگ چی رکشا والے نا معلوم شخص نے اسے ٹکر مار دی جس کی وجہ سے وہ شدید زخمی ہو گیا جسے فوری طور پر تحصیل ہیڈ کوارٹر اسپتال پپلاں منتقل کیا گیا لیکن تشویش ناک حالت کے باعث اسے علاج کی خاطر اسلام بھجوایا گیا لیکن سر میں شدید چوٹیں لگنے کی وجہ سے وہ جانبر نہ ہوسکا اور اسکی موت واقع ہو گئی۔ دوسرے واقعہ میں دوآبہ کا ہی رہائشی غریب محنت کش چاول چھولے فروش رانا عبدالرزاق تبلیغی جماعت کے اجتماع میں شرکت کے لیئے گزشتہ روز رائے ونڈ لاہور گیا جس کو شدید گرمی کی وجہ سے دل کا دورہ پڑا اور اسپتال پہنچنے سے قبل ہی اسکی موت واقع ہو گئی مرنے والے دونوں افراد کی میتیں انکے گھروں میں لائی گئیں جن کو نماز جنازہ کے بعد مقامی قبرستان میں سپرد خاک کر دیا گیا نماز جنازہ میں علاقہ بھر سیاسی سماجی کاروباری شخصیات معززین علاقہ اور شہریوں کی کثیر تعداد نے شرکت کی ۔ معروف سیاسی رہنما ملک غلام فرید بھمب ، سابق ہیڈ ماسٹر ملک بشیر احمد بھچرسابق وائس چئیرمین شیر محمد اڑوڑ، صدر انجمن تاجراں دوآبہ رانا محمد اشرف۔ ملک محمد ندیم بھمب، سابق نائب ناظم ملک محمد اقبال بھمب، سابق چئیرمین عشر و زکواۃ ملک محمد آصف ملک ظفر اقبال بھمب، ملک ظہیراحمد بھمب کالم نگار صحافی ملک عبدالمجید، ٹھیکیدار رانا سلطان احمد رانا غیاث الدین ڈاکٹر محمد حنیف، رانا شفیق احمد سمیت سینکڑوں افراد نے حاجی حبیب اللہ نمداری خیل اور رانا عبدالرزاق کی وفات پر گہرے دکھ اور افسوس کا اظہار کرتے ہوئے انکے لواحقین سے دلی اظہار تعزیت کیا اور مرحومین کے لیئے مغفرت کی دعا کی۔
Leave a Reply