پپلاں( محمد رضوان آکاش) موسم گرما آتے ہی چشمہ بیراج کے مقام نعشوں کی آمدکا سلسلہ شروع ہوگیا ہے گزشتہ دو روز کے دوران چشمہ بیراج کے مقام پر دریا سندھ سے دو نامعلوم نعشیں برآمد ۔گزشتہ روز دریا سندھ کے بہاؤ کے ساتھ آنے والی نعش چشمہ ہائیڈروپاور پراجیکٹ کی نہر میں پھنس ہوئی تھی واپڈا چشمہ کی انتظامیہ کی اطلاع پرتھانہ کندیاں کی پولیس نے نعش نہر سے نکال لی جو ناقابل شناخت اور تعفن زدہ بتائی گئی ہے مقامی پولیس نے نعش کوضروری قانونی کارروائی کے بعدتجہیز وتکفین کے لیے بلدیہ کندیاں کے حوالے کر دیا بلدیہ نے نماز جنازہ کے بعد نعش کو کندیاں کے قبرستان میں امانتا سپرد خاک کر دیا ۔ ایک روز قبل بھی چشمہ بیراج کے گیٹ نمبر 23سے ایک نا معلوم نعش برآمد ہوئی تھی، واضح رہے کہ ہر سال موسم گرما کے دوران شمالی علاقہ جات او ر پہاڑی علاقوں سے درجنوں نامعلوم نعشیں دریا ئے سندھ میں پانی کے بہاؤ کے ساتھ چشمہ پہنچتی ہیں جو یا تو چشمہ بیراج کے گیٹوں میں پھنس جاتی ہیں یا پھر چشمہ ہائیڈروپاور پراجیکٹ کی نہر کا رخ کر جاتی ہیں اور پاور ہاوس کے گیٹوں سے نکال لی جاتی ہیں یہ نعشیں لمبے عرصہ تک دریا کے پانی میں رہنے کی وجہ سے ناقابل شناخت ہو چکی ہو چکی ہوتی ہیں بہت کم ایسی نعشیں ہوتی ہیں جن کی شناخت ہو پاتی ہے کندیاں کے قبرستان میں اس وقت سینکڑوں کی تعداد میں لاوارث لاشیں دفن ہیں۔

QR Code: