پپلاں(محمد رضوان آکاش) پی ٹی آئی ضلع میانوالی میں ضلعی عبوری تنظیم سازی مکمل ہو چکی ہے پی ٹی آئی پنجاب کے آرگنائزر و سابق گورنر پنجاب چوہدری محمد سرور نے ضلع میانوالی میں عالم گیر خان نیازی کو ضلعی انفارمیشن سیکریٹری مقرر کر کے انکی تقرری کا نوٹیفکیشن بھی جاری کر دیا گیا ہے ۔ ان خیالات کا اظہار ڈپٹی اپوزیشن لیڈرو ڈپٹی آرگنائزر پی ٹی آئی پنجاب و ممبر مرکزی ایگزیکٹو کونسل سردار محمد سبطین خان نے پارٹی کے مقرر ہونے والے ضلعی انفارمیشن سیکریٹری عالم گیر خان کو مبارکباد دیتے ہوئے ٹیلی فون پر گفتگو کرتے ہوئے کیا۔ سردار محمد سبطین خان نے مزید کہا کہ ضلعی آرگنائزنگ کمیٹی کے تمام معزز ممبران کو پارٹی قیادت کی طرف سے جو اہم ذمہ داری سونپی گئی ہے اسے خوش اسلوبی سے ادا کرنے کے لیئے وہ اپنی اپنی ذمہ داریوں کو احسن طریقے سے نبھانے کے لیئے جامع حکمت عملی ترتیب دیں اور تمام کارکنوں کو ایک پلیٹ فارم پر متحد کرنے کے لیئے اپنی صلاحیتوں کا مظاہرہ کریں اور کسی بھی پارٹی مسئلہ کو غیر ضروری طور پر میڈیا میں زیر بحث نہ لایا جائے چئیرمین پی ٹی آئی اور مرکزی قیادت نے جو ہدایات جاری کی ہیں ان پر سختی سے عمل در آمد کیا جائے انہوں نے تمام پارٹی ورکروں کو سختی سے ہدایت کی کہ وہ پارٹی ڈسپلن کی خلاف ورزی سے اجتناب کریں اور کسی بھی پارٹی معاملہ کو میڈیا میں اچھالنے کی بجائے پارٹی کے اندر اس پر بات کی جائے انہوں نے کہا کہ پارٹی کی اعلی قیادت کی طرف سے اس معاملہ پر واضح ہدایات جاری کی جا چکی ہیں اور پارٹی ڈسپلن کی خلاف ورزی کرنے والے کسی بھی ورکر یا عہدیدار کو اس سلسلہ میں کوئی رو رعایت نہیں دی جائے گی انہوں نے نئے ضلعی انفارمیشن سیکریٹری عالم گیر خان نیازی کو ہدایت کی کہ وہ اپنے پیشہ ورانہ فرائض پوری دیانت داری سے ادا کریں اور پارٹی پالیسی کے مطابق اپنی بھر پور صلاحیتوں کا مظاہرہ کرتے ہوئے پارٹی قیادت کی طرف سے سونپے گئے امور کو احسن طریقے سے ادا کریں اس موقع پرضلعی انفارمیشن سیکریٹری عالم گیر خان نے آرگنائزر پنجاب چوہدری محمد سرور اور ڈپٹی آرگنائر پنجاب سردار محمد سبطین خان اور پارٹی کی دیگر قیادت کا شکریہ ادا کرتے ہوئے کہا کہ وہ اپنے فرائض کی بجا آوری میں کوئی کوہتائی نہیں برتیں گے اور اعلی قیادت کی طرف سے مجھ پر جس اعتماد کا اظہار کیا گیا ہے انشاء اللہ اس پر پورا اتروں گا۔

QR Code: