پپلاں ہرنولی روڈ کی مرمت کے کام کا آغاز ،غیر میعاری میٹریل کے استعمال پر تاجروں اور شہریوں کا شدید احتجاج
پپلاں( محمد رضوان آکاش)پپلاں ہرنولی روڈ کی مرمت کے لیئے منظور ہونے والی لاکھوں روپئے کی خطیر گرانٹ سے محکمہ روڈز میانوالی نے مرمت کے کام کا آغاز کر دیا، سڑک پر غیر میعاری میٹریل کے استعمال پر تاجروں اور شہریوں کا شدید احتجاج، انجمن تاجراں حافظ والہ کے صدر حافظ ملک جاوید اعوان نائب صدر عابد خان بلوچ اور انجمن تاجراں کے دیگر عہدیداروں اور پپلاں کے عوامی سماجی حلقوں نے سڑک کی مرمت کے ہونے والے غیر میعار ی کام پر شدید احتجاج کرتے ہوئے ڈی سی او میانوالی طلعت محمود گوندل اور ڈسٹرکٹ آفیسر روڈز میانوالی سے مطالبہ کیا کہ گزشتہ کئی سالوں سے یہ اہم ترین سڑک ٹوٹ پھوٹ کا شکار ہے اور اس کی مرمت کے لیئے خطیر رقم کی گرانٹ منظور ہوئی لیکن مرمت کرنے والے کنٹریکٹر کی طرف سے کیا جانے والا کام انتہائی غیر میعاری ہے اور صرف لیپا پوتی کر کے محکمہ اور لوگوں کی آنکھوں میں دھول جھونکی جا رہی ہے اس لیئے ڈی سی او میانوالی اس غیر میعاری کام کا سختی سے نوٹس لیں اور کام کو میعار کے مطابق مکمل کروائیں۔
Leave a Reply