پپلاں( محمد رضوان آکاش)پپلاں میں دریائے سندھ پر نیا پل تعمیر کرانے کی خاطرجے یو آئی ضلع میانوالی کے امیر اُمیدوار برائے صوبائی اسمبلی حلقہ پی پی46 پپلاں صاحبزادہ سعید احمد آف خانقاہ سراجیہ کندیاں کی کاوشیں قابل ستائش اور مبارکباد کی مستحق ہیں اور صاحبزادہ سعید احمد اگر اپنے قائد مولانا فضل الرحمن کے توسط سے پپلاں میں دریا ئے سندھ پر نیا پل تعمیر کروا لیتے ہیں تو یہ پوری تحصیل پپلاں کے عوام پر اُنکا بہت بڑا احسان ہو گا کیونکہ یہاں ترقی کی راہیں کھلیں گی اور خوشحالی آئے گی اور وہ محسن پپلاں ہو نگے کیونکہ پل کی تعمیر سے پورا علاقہ ترقی کی شاہراہ پر گامزن ہو جائے گا۔ صاحبزادہ سعید احمد کو تحصیل پپلاں کے عوام کا دیرینہ مطالبہ پورا کرنے کے لیئے کوششیں کرنے پر پپلاں کے عوام اور پوری تاجر برادری اُنکی احسان مند ہے اور ہم اُنکو خراج تحسین پیش کرتے ہیں۔ ان خیالات کا اظہار سابق صدر انجمن تاجراں پپلاں حاجی ملک محمد نصر اللہ، قاری محمد یونس قاری عزیز الرحمن، سابق نائب ناظم پپلاں رانا جاوید اقبال ملک غلام حیدر سٹل ورکس ریل باز ار سمیت پپلاں اور حافظ والہ کی تاجر برادری نے پل کی تعمیر بارے شائع ہونے والی خبروں پر تبصرہ کرتے ہوئے میڈیا کے نمائندوں سے گفتگو کرتے ہوئے کیا۔ انہوں نے مزید کہا کہ جو لوگ محظ اخباری بیان بازی کر کے عوام کو بے وقوف بنانے کی کوشش کر تے رہے ہیں انہیں الیکشن کے موقع پر عوام کی عدالت میں بھی آنا ہے اس لیئے وہ صرف اخباری بیان بازی کے ذریعے عوام کو اب مزید بے وقوف نہیں بنا سکتے کیونکہ موجودہ دور میڈیا کا دور ہے اور عوام با شعور ہیں جو سب کچھ جانتے ہیں جولوگ پہلے ہی اپنے اخباری بیانات میں پپلاں میں پل تعمیر کروانے کی منظوری کرانے کے بلندو بانگ دعوے کرتے رہے ہیں انہیں چاہیئے کہ وہ صاحبزادہ سعید احمد کا چیلنج قبول کرکے میڈیا اور اس حلقہ کے عوام کے سامنے اُن سے مناظرہ کریں تاکہ عوام کو بھی پتہ چلے کہ کون اس علاقہ اور حلقہ کے عوام کا دیرینہ مطالبہ پورا کروانے میں مخلص ہے اور عوام کو اصل حقیقت کا پتہ بھی چل سکے اور لوگوں کے ذہنوں میں پائے جانے والے خدشات ختم ہوں اور اصل صورت حال سے عوام کو آگاہی ہو سکے ۔ اُنہوں نے مزیدکہا کہ گزشتہ کئی سالوں سے پپلاں کی ترقی کے جھوٹے دعوے کرنے والوں کو بھی عوام اچھی طرح جانتے ہیں کیونکہ تحصیل پپلاں کے عوام اس وقت ضلع میانوالی میں سب سے زیادہ محرومیوں کا شکار ہیں اور عوام سے سوتیلی ماں جیسا سلوک روا رکھا جا رہا ہے جبکہ تحصیل بھر کی تمام سڑکیں کھنڈرات میں تبدیل ہو چکی ہیں اور محرومیوں کا شکار عوام کا کوئی پرسان حال نہیں انہوں نے اُمیدوار برائے صوبائی اسمبلی صاحبزادہ سعید سے اپیل کی کہ وہ پپلاں میں پل کی تعمیر کے لیئے اپنی کاوشیں مزید تیز کریں اور اگر وہ پپلاں میں دریا سندھ پر نیا پل تعمیر کروانے میں کامیاب ہو جاتے ہیں تو یہ اُنکا پوری تحصیل کے عوام پر بہت بڑا احسان ہو گا اور تحصیل پپلاں کے لوگ اُن کی اس محبت کا قرض آئندہ الیکشن میں ضرور چکا دیں گے۔

QR Code: