پپلاں ( محمد رضوان آکاش)پنجاب گروپ آف کالجز میانوالی کے زیر اہتمام گرین لگون ہوٹل چشمہ میں شعبہ درس وتدریس سے وابستہ شخصیات اور معززین علاقہ کے اعزاز میں ایک افطار ڈنر کااہتمام کیا گیا جس میں علاقہ بھر کے پروفیسرز،اساتذہ ،معززین شہر اور صحافیوں نے کثیر تعداد میں شرکت کی اس موقع پرشعبہ تعلیم سے متعلق موضوعات مسائل اور تعلیمی اداروں کی کارکردگی پر سیر حاصل اور معلوماتی بحث ہوئی ۔بعد ازا ں شرکاء کے اعزاز میں پرتکلف افطار ڈنر دیا گیا اور مختلف قسم کے کھانوں سے شرکاء کی تواضع کی گئی۔ پنجاب کالج میانوالی کے پرنسپل حسن بلال ،وائس پرنسپل نعیم خان اور دیگر سٹاف نے افطار ڈنر میں شرکت کرنے والے تمام شرکاء کا خصوصی شکریہ ادا کیا۔
