پشاور میں بزدلانہ حملہ سے دہشت گرد پاکستانی قوم کے حوصلے پست نہیں کرسکتے : الحاج زبیر
لاہور(ایف یو نیوز) پشاور میں بزدلانہ حملہ سے دہشت گرد پاکستانی قوم کے حوصلے پست نہیں کرسکتے فوجی جوانوں نے جوانمردی سے مقا بلہ کرکے قوم کا سرفخرسے بلند کردیا ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے میڈیا سے بات چیت کرتے ہوئے کیا۔انہوں نے کہا آخری دہشت گرد کے خاتمہ تک اپریشن ضربِ عضب جاری رہے گا انشاء اللہ انسانیت کے دشمنوں کو چن چن کر کیفرِ کردار تک پہنچایا جائے گا دشمن کبھی اپنے ناپاک عزائم میں کامیاب نہیں ہو سکتا کیونکہ پوری قوم اپنی بہادر افواج کے شانہ بشانہ ساتھ کھڑی ہے۔الحاج زبیراحمدنے کہا پاکستان کی سا لمیت، تحفظ اور استحکام کے لئے دی جانے والی قربانیاں رائیگاں نہیں جائیں گی دہشت گردی کو جڑسے اکھاڑ پھینکیں گے اور دہشت گرد وں کا ہر ٹھکانہ تباہ کردیا جائے گا۔انہوں نے کہا دہشت گردوں کے سامنے سیسہ پلائی ہوئی دیوار بننے والے قوم کے بہادربیٹے اسفندیار بخاری کو اعلیٰ فوجی اعزاز دیا جائے
Leave a Reply