لاہور(ایف یو نیوز)مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے کہا ہے کہ پاکستان کے سرحدی علاقوں میں بھارت کی بلاجوازفائرنگ ناقابلِ برداشت ہے سرحدی جارحیت پر پوری پاکستانی قوم سراپا احتجاج بنی ہوئی ہے پاکستان کے ضبط کاامتحان نہ لیا جائے بھارتی حکمرانوں کو6ستمبریادرکھنا چاہیے جب اسے عبرتناک شکست سے دوچارہونا پڑا تھا یہ نہ ہو کہ تاریخ ایک مرتبہ پھر اپنے آپ کو دہرا دے بھارتی فائرنگ سے پاکستانی شہریوں کی شہادت سے دنیا کے سامنے نام نہاد سیکولرملک کااصل چہرہ بے نقاب ہوگیاہے۔ الحاج زبیراحمدنے کہاپاکستان میں دہشت گردی کے پیچھے بھارت کے ملوث ہونے کے مکمل شواہد موجودہیں یہ سلسلہ بندنہ ہوا تو معاملہ اقوامِ متحدہ اور سلامتی کونسل میں اٹھایا جا سکتاہے سرحدی جارحیت اور پاکستان میں دہشت گردی نہ رکی تو برصغیرکا امن خطرے میں پڑسکتاہے۔
