پپلاں ( محمد رضوان آکاش) وزیر اعلی پنجاب کی خصوصی ہدایت پر صوبائی پارلیمانی سیکریٹری پنجاب محمد ثقلین سپرا کا ڈی سی او میانوالی طلعت محمود گوندل کے ہمراہ ضلع بھر میں لگائے گئے مختلف رمضان بازاروں کا اچانک دورہ اس موقع پر انہوں نے تحصیل عیسی خیل میانوالی اور تحصیل پپلاں میں لگائے گئے رمضان بازار کے اسٹال چیک کیئے اور قیمتوں کو چیک کیا۔ صوبائی پارلیمانی سیکریٹری نے ضلعی انتظامیہ کی طر ف سے قائم کیئے گئے رمضان بازاروں میں کیئے گئے انتظامات کا جائزہ لیا اور ہدایت کی کہ رمضان بازار میں اشیاء خورو نوش کی مقررہ قیمتوں پر فراہمی کو یقینی بنایا جائے۔مختلف شہروں میں لگائے گئے رمضان بازاروں کے انعقاد پر انہوں نے اپنے اطمینان کا اظہار کرتے ہوئے میڈیا کے نمائندوں سے گفتگو کرتے ہوئے کہا کہ پنجاب حکومت عوام کو سستے داموں اشیاء خورو نوش کی فراہمی کے لیئے خطیر رقم کی سبسڈی دیکر عوام کو بھر پور ریلیف دے رہی ہے۔ رمضان بازار پپلاں دورہ کے موقع مقامی تاجر خواجہ منظور نے دیگر تاجروں کے ہمراہ صوبائی پارلیمانی سیکریٹری اور ڈی سی او میانوالی کے سامنے اسسٹنٹ کمشنر پپلاں فضل اکبر پر کرپشن کے الزامات لگاتے ہوئے کہا کہ انہوں نے پپلاں میں کرپشن کا بازار گرم کر رکھا ہے اور عوامی ترقیاتی سکیموں کے فنڈز میں بھی خورد برد کرنے میں مصروف ہیں اور ہم نے اسکی شکایت ڈی سی او میانوالی کے گزشتہ دنوں دورہ پپلاں میں بھی کی تھی اس لیئے اس معاملہ کی انکوائری کروائی جائے جس پر صوبائی پارلیمانی سیکرٹری نے انہیں کہا کہ اس وقت رمضان بازار کے متعلق کوئی شکایت ہے تو وہ بتائی جائے جبکہ ڈی سی او میانوالی طلعت محمود گوندل نے کہا کہ میں نے آپ لوگوں کو پہلے بھی ہدایت کی تھی کہ میرے پاس دفتر آئیں اور میں معاملہ کی چھان بین اور انکوائری کروں گا۔ اس موقع پر انجمن تاجراں پپلاں کے صدر رانا علیم نے کچھ بات چیت کی تو خواجہ منظور نے کہا کہ یہ ہمارے صدر نہیں بلکہ اے سی پپلاں فضل اکبر سے ملے ہوئے ہیں اور یہ بھی انکے ساتھ کرپشن میں حصہ دار ہیں ۔ پپلاں دورہ کے موقع پر ٹی ایم او پپلاں رانا حامد رضا، تحصیل آفیسر فنانس شیر افگن خان، محمد امین مرزا تحصیل دار پپلاں ملک محمد منظور اور انفارمیشن آفیسر رانا محمد اقبال بھی موجود تھے رمضان بازار دورہ کے بعد صوبائی پارلیمانی سیکریٹری محمد ثقلین سپرا میڈیا کے نمائندوں سے گفتگو کیئے بغیر ڈی سی او میانوالی کے ہمراہ واپس چلے گئے۔

QR Code: