پائی خیل (نامہ نگار)پائی خیل کارہائشی ٹانگ سے معذور58سالہ عطاء اللہ خان نے نمائندہ’’فاروق آباد اَپ ڈیٹس‘‘کوبتایاکہ25سال قبل کوچ کے حادثہ میں میں ایک ٹانگ سے معذورہوگیاڈیڑھ سال زیرعلاج رہاہمت نہیں ہاری اور20سال سے برف ،فلودہ،جلیبی،سموسے اورپکوڑے بیچ رہاہوں اٹھارہ روپے سے فلودے کاسامان خرید کرکام شروع کیااب جبکہ پانچ سال سے سموسوں کے ساتھ ساتھ تیتروں کے پنجرے بنارہاہوں ایک پنجرے پرتین دن لگ جاتے ہیں ایک پنجرہ پندرہ سوسے تین ہزارتک تیارہوتاہے پنجرے بنانے کامیراکوئی استادنہیں ضلع بھراوردوسرے اضلاع سے مجھے پنجرے بنانے کے لئے آرڈرفون پرآتے ہیں میں محنت مزدوری کرکے اپنے بال بچوں کاپیٹ پال رہاہوں اورعلاقہ میں باوقارطریقے سے غمی خوشی میں شرکت کرتاہوں ایک بیٹی کاباپ ہوں میری بیٹی B.Aکاامتحان دے رہی ہے میری بیٹی کی تعلیم میری زندگی کاقیمتی اثاثہ ہے میں جب بھی میانوالی میں سوداسلف لینے کے لئے جاتاہوں لوگ مجھے معذورسمجھ کرپیسوں کی امدادکرتے ہیں جس سے میں لینے سے انکاری ہوجاتاہوں میں محلہ کے بچوں کامشکورہوں جومجھے سموسوں کاسامان اٹھانے میں میراہاتھ بٹھاتے ہیں میں نہ زکوٰۃ لیتاہوں اس سے قبل پندرہ سال ٹرک ،بس اورکوچ کی ڈرائیوری کرتارہامیں معذورافرادکوپیغام دیتاہوں کہ ہمت کرکے محنت مزدوری کریں کسی کے آگے ہاتھ نہ پھیلائیں اورسراٹھاکرعزت سے جئیں یہی زندگی ہے۔