پائی خیل(نامہ نگار)ڈی پی او میانوالی سرفراز خان ورک کی ضلعی کور کمیٹی کے ممران کے ساتھ رمضان المبارک اور شب برات کے موقع پر امن و امان کے حوالے سے میٹنگ۔تفصیلات کے مطابق ڈی پی او میانوالی سرفراز خان ورک نے ڈی پی او آفس میانوالی میں ضلعی کور کمیٹی کے ممبران ساتھ رمضان المبارک اور شب برات کے موقع پر امن وامان کے حوالے سے میٹنگ عمل میں لائی جس میں ضلعی کور کمیٹی کے ممبران پر وفیسر غلام سرور خان،قاضی نذر محمود گوندل،جواد عبداللہ،صاحبزادہ عبدالمالک اورانسپکٹر اللہ نواز خان انچارج سیکورٹی میانوالی نے شرکت کی۔دوران میٹنگ ضلعی کور کمیٹی کے ممبران نے ڈی پی او میانوالی کو ضلع میانوالی میں امن و امان کی صورت حال بہتر بنانے اور مجرمان اشتہاری اور منشیات فروشوں کے خلاف بھر پور کاروائی کارنے پر مبارکباد پیش کی اور پولیس کے ساتھ ہر قسم کے تعاون کرنے کی یقین دہانی کرائی ۔مزیدکہاکہ ضلع میانوالی مذہبی رواداری کے لحاظ سے ایک مثالی ضلع ہے آج تک یہاں مذہبی حوالے سے کوئی مسئلہ در پیش نہ آیا ہے۔اگر کوئی تھوڑا بہت مسئلہ ہوتا بھی ہے تو ہم اپنے طور پر کورکمیٹی کے ذریعے حل کر لیتے ہیں۔ضلع میانوالی میں جتنی بھی اقلیتی برادری ہے ان کے ساتھ ہمارے دوستانہ اور برادرانہ تعلقات ہیں۔ضلعی کور کیمٹی کے ممبران نے ڈی پی او سے کہا کہ شب برات کے موقع پر آتش بازی کرنے والوں اور آتش بازی کا سامان بیچنے والوں کے خلاف سخت کاروائی کی جائے۔ڈی پی او میانوالی نے کور کمیٹی کے ممبران کو کہا کہ ضلعی میانوالی میں انشاء اللہ امن قائم کرونگا اور منشیات کا جڑ سے خاتمہ کرنا میرا اولین مشن ہے۔ مجرمان اشتہاری کو نہ سکون سے بیٹھنے دونگا اور نہ سونے دونگا جب تک کہ مجرمان اشتہاری کو گرفتار نہیں کرلتیے یہ وہ خود پیش نہیں ہوجاتے۔مزید ڈی پی او نے کہا کہ شب برات کے موقع پر آتش بازی کرنے والوں یا آتش بازی کا سامان بیچنے والوں کے خلاف سخت کاروائی کی جائے گی اور اس سلسلہ میں کسی کے ساتھ کوئی رعایت نہیں برتی جائے گی۔آخر میں دعائیہ کلمات کے ساتھ میٹنگ کا اختتام ہوا۔

QR Code: