پائی خیل(نامہ نگار)پورے ضلع میانوالی میں ریگستانی جہازوں(اونٹوں)پرخطرناک اورپُراسراربیماری کاحملہ درجنوں سے زائداونٹ ہلاک محکمہ لائیوسٹاک سے حتمی تشخیص نہ ہوسکی تفصیلات کے مطابق ضلع بھکر،خوشاب کے بعدپورے ضلع میانوالی کے مضافات پائی خیل ،کوٹ بیلیاں،اتراء کلاں،موچھ،نیکوخیلانوالہ ،پھاتھی ٹھارووالی اوردیگرعلاقوں میں ریگستانی جہازوں(اونٹوں)پرخطرناک اورپُراسراربیماری کے حملہ سے درجنوں سے زائداونٹ ہلاک ہوچکے ہیں اس بیماری سے اونٹ کھاناپیناچھوڑجاتاہے ٹمپریچر(بخارسوسے ایک سوپانچ ڈگری)پرہوجاتاہے ۔پیٹ میں ہوابھرجاتی ہے جس سے شدیددردپڑنے لگ جاتاہے ۔اونٹ لاغرہوکردودونوں میں مرجاتاہے ۔متاثرین روزی خان،محمدامیر،جاوید،عطاء محمد،نذیراحمدمہانہ ودیگرنے میڈیاکوبتایاکہ ہمارے درجنوں سے زائداونٹ ہلاک ہوچکے ہیں۔جس سے ہمیں ناقابل تلافی نقصان کاسامناکرناپڑااورپڑرہاہے ۔ہم غریب کسان ہیں ہماری جمع پونجی کل کائنات روزی کمانے کاواحدذریعہ اونٹ ہیں انہوں نے حکومت وقت وزیراعلیٰ پنجاب ،ڈائریکٹرجنرل لائیوسٹاک ،سیکرٹری لائیوسٹاک پنجاب سے مطالبہ کیاہے کہ علاقہ میں تشخیصی ٹیم بھیجی جائے اورہماری مالی معاونت کی جائے تاکہ ہم کوئی کاروبارکرکے روزی کاذریعہ بناسکیں۔اس سلسلہ میں ڈی ایل اومیانوالی محمداسلم نیازی سے رابطہ کیاگیاتوانہوں نے میڈیاکوبتایاکہ آپ تشخیص کوچھوڑیں یہ ملکی سطح کاحساس معاملہ ہے ہم بخاروالے اونٹوں کاعلاج فری کررہے ہیں۔ادھرتشخیصی لیبارٹری حیوانات کے انچارج ڈاکٹراویس مسعودسے رابطہ کرنے پرمیڈیاکوبتایاکہ ہم نے اونٹوں کے نمونہ جات اسلام آباد،لاہورکی لیبارٹریزمیں بھیجے ہوئے ہیں نتائج کاہمیں انتظارہے ہم نے اونٹوں کوانتھریکس ویکسین کے ٹیکے لگانے کاعمل شروع کردیاہے جبکہ بیماراونٹوں کواینٹی باڈیزیعنی پنسلین سے علاج فری کررہے ہیں لیکن پندرہ روزسے زائدرعرصہ گزرنے کے باوجودمحکمہ لائیوسٹاک کے ماہرین اونٹوں کی پُراسراربیماری کی حتمی تشخیص نہ ہوسکی تاہم اندازوں کے بل بوتے پرعلاج اورویکسی نیشن کی جارہی ہے ۔متاثرین نے اعلیٰ حکام سے فی الفورنوٹس لینے کامطالبہ کیاہے ۔

QR Code: