پائی خیل (نامہ نگار)پائی خیل کے نواحی علاقہ ٹھٹھی شریف رانجھے والاکھوہ کے رہائشی اپنی بکری کاگوشت کھانے سے ایک ہی گھرکے دوافراد،دادا،پوتی جاں بحق جبکہ چھ بچوں سمیت والدہ بھی ہسپتال داخل،تفصیلات کے مطابق نواحی علاقہ ٹھٹھی شریف میں گزشتہ روز60سالہ عبدالرحمن نے اپنی بکری کی حالت خراب ہونے پراسے ذبح کردیااوراس کاگوشت پکاکرتمام گھروالوں نے کھایاتوآناًفاناًتمام افرادکی حالت خراب ہوگئی جس کے نتیجہ میں 60سالہ عبدالرحمن موقع پرجاں بحق ہوگیاجبکہ اس کی 13سالہ پوتی تسلیم بی بی ہسپتال پہنچتے ہی دم توڑگئی علاوہ ازیں چھ بچوں سمیت والدہ بھی ہسپتال داخل کرادیاگیاتاہم11سالہ یاسمین ،4سالہ ارم ،3سالہ مقدس،ڈیرھ سالہ رخسان اوراس کے دوبھائی احسن اوردلاوراوران کی والدہ شہزادہ خاتوں ہسپتال میں داخل ہیں آخری اطلاع آنے تک ان کی حالت شدیدخطرے سے دوچارتھی ۔یہ سانحہ رونماہونے پرعلاقہ بھرمیں خوف وہراس پھیل گیااورہرآنکھ اشکبارتھی قیاس کیاجاتاہے کہ ہنڈیامیں کوئی زہریلی چیزچھپکلی وغیرہ پڑگئی تھی۔

QR Code: