واپڈا اور محکمہ ہاؤسنگ کی انوکھی پالیسی پپلاں میں اُلٹی گنگا بہنے لگی
پپلاں ( محمد رضوان آکاش) واپڈا فیسکولیاقت آباد اور محکمہ ہاؤسنگ کی انوکھی پالیسی پپلاں میں اُلٹی گنگا بہنے لگی، منڈی ٹاؤن لیاقت آباد( پپلاں) اور کوہ نورٹاؤن پپلاں کے سینکڑوں مکین گذشتہ کئی سالوں سے بجلی کنکشن نہ ملنے پر اذیت کا شکار ہو کر در بدر کے دھکے کھانے پر مجبور ، عملہ کی مبینہ ملی بھگت سے گذشتہ کئی سالوں سے سرکاری میٹر سے پرائیویٹ ورکشاپ اور پولڑی فارم کوبجلی کی فراہمی کا انکشاف سرکاری خزانے کو لاکھوں روپے کا ٹیکہ، منڈی ٹاؤن لیاقت آباد اور کوہ نورٹاؤن پپلاں کے درجنوں افراد نے صحافیوں کو بتایا کہ ہم نے کروڑوں روپے مالیت کے رہائشی اور کمرشل پلاٹ کوہ نور ملز مالکان اور محکمہ ہاؤسنگ سے کئی سال قبل نیلامی میں خریدے جس پر لوگوں نے اپنے رہائشی مکانات اور دکانیں بھی بنائی ہوئی ہیں لیکن بجلی کنکشن کے حصول کے لئے ہم کئی سالوں سے در بدر ہو رہے ہیں نہ تو ہمیں واپڈا والے بجلی کا کنکشن فراہم کرتے ہیں اور نہ ہی محکمہ ہاؤسنگ اس سلسلہ میں ہماری کوئی مدد کرتا ہے جبکہ ایڈ منسٹریٹر ٹی ایم اے و اسسٹنٹ کمشنر پپلاں کی رہائش گاہ کے چند قدموں کے فاصلے پر واقع پپلاں ہرنولی روڈ کی چونگی پر نصب شدہ ٹی ایم اے کے سرکاری میٹر بجلی سے ایک پرائیوٹ فریج ورکشاپ اور پولٹری فارم میں بجلی فراہم کرنے کے لئے بالکل غیر قانونی اور ناجائز ایکسٹینشن کنکشن لگا کر بجلی فراہم کی جارہی ہے جسکا بل بجلی بھی ٹی ایم اے پپلاں کے فنڈ سے ادا کیا جاتا ہے اس طرح ورکشاپ کا مالک ایک سرکاری میٹر سے غیر قانونی طور پر گذشتہ کئی سالوں سے بجلی کا کمرشل استعمال کرنے میں مصروف ہے نہ تو اُس کے خلاف واپڈا کا عملہ کوئی کاروائی کرتا ہے اور نہ ہی ٹی ایم اے نے ابھی تک کوئی کاروائی کی ہے جو موجودہ حکومت کے دوہرے معیار اور غریب بجلی صارفین کی حق تلفی کے مترادف ہے ۔ منڈی ٹاؤن لیاقت آباد اور کوہ نورٹاؤن پپلاں کے سینکڑوں پلاٹ مالکان نے بجلی کنکشنوں کی عدم فراہمی پر وفاقی وزیرپانی و بجلی خواجہ محمد آصف، وزیر مملکت پانی و بجلی چوہدری عابد شیر علی چیف انجنیئر فیسکو فیصل آباد ،سیکرٹری بلدیات پنجاب ،کمشنر سرگودھا ڈویژن اور ڈی سی او میانوالی وچئیرمین ہاوئسنگ کمیٹی طلعت محمود گوندل سے مطالبہ کرتے ہوئے کہا کہ کوہ نور ٹاؤن پپلاں اور محکمہ ہاؤسنگ کے ملکیتی پلاٹس کو خریدنے والے سینکڑوں غریب مالکان کے ساتھ ہونے والے اس ناروا سلوک کا فوری ایکشن لیا جائے اور ہمارے گھروں اور دکانوں میں بجلی کے کنکشن فراہم کر کے ہماری تکالیف کا اذالہ کیا جائے ۔
Leave a Reply