پائی خیل (نامہ نگار)والدین کی خدمت حصولِ جنت کاذریعہ ہے۔تفصیلات کے مطابق عشروزکوٰۃ کمیٹی کے سابق چیئرمین محمداسلم خان دروخیل کی اہلیہ ،علی خان شاپنگ سنٹرکے مالک اجمل خان،اکمل خان اورنجمل خان کی والدہ کے ایصالِ ثواب کے لئے منعقدہ محفل چہلم ومیلادمصطفیﷺسے علامہ محمداسلم خان قادری آف غنڈی نے خطاب کرتے ہوئے کہاکہ ماں باپ کی خدمت کرکے انسان جنت حاصل کرسکتاہے۔اللہ پاک نے والدین کے ساتھ نیکی اوراحسان کرناہم پرفرض کیاہے اسی طرح انکے ساتھ سختی سے بات کرنے سے منع اوران کی نافرمانی کوحرام قراردیاہے۔اس لئے اپنے والدین کومت جھڑکناکیونکہ انہوں نے تیرے لئے بہت تکلیفیں اٹھائی ہیں بلکہ اُف تک نہ کہہ اگرتوان کو جھڑکے گاتوان کے دل کوتکلیف پہنچے گی جب انکے دل کوتکلیف پہنچی تواللہ تعالیٰ اُس آدمی پرناراض ہوجاتا ہے ۔معروف مذہبی راہنماعلامہ مفتی سلطان احمدقادری نے خطاب کرتے ہوئے کہاکہ اللہ رب العزت کسی انسان کااجرضائع نہیں کرتابلکہ جو انسان نیکی کرتاہے اس کاپوراپورااُسے اجردیاجاتاہے۔اس لئے و الدین کے ساتھ ادب و احترام سے بات کرنی چاہیے ہم والدین کے احسانات کابدلہ نہیں چکاسکتے۔اس لئے ان کے حق میں رحمت کی دعاہروقت کرتے رہناچاہیے۔محفل کاآغازتلاوت کلام پاک سے غلام شبیرسلطانی کیا۔آقاﷺکی بارگاہ اقدس میں معروف ثناء خوان مصطفیﷺعبدالمجیدبھوروی نے گلہائے عقیدت پیش کیا۔نظامت کے فرائض محمدحنیف نقشبندی نے سرانجام دیے۔محفل کے اختتام پربالخصوص مرحومہ کے لئے دعائے مغفرت عالمِ اسلام وملک پاکستان کی سلامتی کے لئے خصوصی دعاکی گئی۔
