پپلاں(محمد رضوان آکاش)رمضان المبارک کے مقدس ماہ میں پپلاں کے شہریوں کو نیم مردہ گائے سمیت ذبح شدہ مضر صحت گوشت سپلائی کرنے والے گینگ کا انکشاف، شاہ زور ڈالہ رجسٹریشن نمبر626 میں نیم مردہ گائے اور بد بو دار مضر صحت گوشت لیکر آنے والے مقامی ڈرائیور محمد شفیق ساکن5 مرلہ سکیم پپلاں کو مقامی صحافیوں نے اس وقت رنگے ہاتھوں پکڑ کر روک لیا جب وہ پک اپ ڈالہ میں گوشت لوڈ کر کے ریلوے پھاٹک سے پپلاں شہر داخل ہو رہا تھا اور گوشت بارے معلوم کیا تو وہ پک اپ ڈالہ بھگا کر لے گیا لیکن صحافیوں نے اسکا تعاقب کر کے مرکزی قبر ستان کے قریب اسے روک کر پوچھا کہ یہ گوشت کس کا ہے تو اس نے بتایا کہ یہ پپلاں کے راشد قصاب کا ہے جو میں پہنچانے جا رہا تھا جب صحافیوں نے مضر صحت اور ناقص گوشت کے فوٹو بنانے کی کوشش کی تو پک اپ ڈرایؤر ڈالہ بھگا کر علووالی کی طرف فرار ہو گیا جس پر صحافیوں نے کافی دور تک ڈالہ کا پیچھا کیا لیکن وہ فرار ہونے میں کامیاب ہو گیا بعد ازاں میڈیا کے نمائندوں نے انتظامیہ افسران اور اسسٹنٹ کمشنر پپلاں فضل اکبر کو تمام تر صورت حال بارے آگاہ کیا جس پر انہوں نے مذکورہ افراد کے خلاف قانونی کاروائی کی یقین دہانی کروائی لیکن تا حال کسی کے خلاف کوئی کاروائی نہ ہو سکی پپلاں کے شہریوں نے ناقص اور مضر صحت گوشت شہریوں کو کھلانے والے افراد کے خلاف سخت کاروائی کا مطالبہ کیا ہے۔

QR Code: