لاہور(ایف یو نیوز)میاں نواز شریف حکومت کی کارکردگی سابقہ حکومتوں سے کہیں بہتر ہے ترقی کے دشمن ملک میں سیاسی استحکام نہیں چاہتے ان خیالات کااظہارمسلم لیگ ن تاجر ونگ کے سینئروائس چیئرمین الحاج زبیر احمد نے کارکنوں کے ایک وفدسے ملاقات کے دوران کیا۔انہوں نے کہا اس وقت بہت سے میگا پراجیکٹ تکمیل کے مراحل میں ہیں جس سے یقین کے ساتھ کہاجا سکتاہے کہ مسلم لیگ ن ملک وقوم کے ساتھ انتہائی مخلص ہے ہمارا سب سے بڑا بحران بجلی کا بحران ہے جسے حل کرنے کیلئے میاں نواز شریف حکومت نے کافی کامیابیاں حاصل کی ہیں گو آج لوگوں کو یہ کامیابی محسوس نہیں ہورہی اگر اسی لگن سے کام ہوتارہاتو مزید دو سال میں بجلی کا بحران پر کافی حدتک قابوپالیا جائے گا۔الحاج زبیر احمد نے کہا جن ا ہم شخصیات اور درجنوں اداروں کے ذمہ اربوں روپے کے واجبات ہیں میری ان سے اپیل ہے کہ ملک وقوم کے وسیع تر مفادمیں واجبات اداکریں تاکہ بجلی کی لوڈشیڈنگ ختم کرنے کیلئے وسائل مہیا ہو سکیں۔